သက်ကြီးပိုင်းများအတွက် ဒဏ်ရာသက်သာစေရန်နှင့် ကိုယ်ခံအားကိုမြှင့်တင်ပေးသည့် နည်းလမ်းများ။

အသက်ကြီးလာသည့်အခါတွင် ငယ်စဉ်ကကဲ့သို့ သွက်လက်စွာမလှုပ်ရှားနိုင်တော့ဘဲ အရာရာတိုင်းသည် နှေးကွေးလာပါသည်။ ခန္ဓာကိုယ်တွင်းပြောင်းလဲမှုသည် သင်ကိုယ်တိုင်ခံစားရသည့်အရာဖြစ်သော်လည်း အရေပြားပေါ်ပြောင်းလဲမှုသည် အခြားလူများကို မြင်စေပါသည်။ သင်အသက်ကြီးလာသည်နှင့်အမျှ အရေပြားသည် ပါးလာပြီး ဒဏ်ရာများရရှိရန် အလားအလာများရှိသည်။ သက်ကြီးရွယ်အိုတစ်ဦးအနေဖြင့် နာတာရှည်ရောဂါများရှိပါက အချို့သွေးရောဂါနှင့် အာဟာရချို့တဲ့မှုများက ပြန်လည်ထူထောင်ရေးလုပ်ငန်း များကို နှေးကွေးစေပါသည်။ အဘယ်ကြောင့်ဆိုသော် ကိုယ်ခံအားဆဲလ်များသည် ကုသရေးတွင်ထိပ်ဆုံးကနေ တာဝန်ရှိတာကြောင့် သင်လုပ်ချင်တဲ့အရာများအားလုံးကို ၎င်းတို့အတွက် ထောက်ပံ့ပေးပါသည်။

အစားအသောက်နှင့်လေ့ကျင့်ခန်းလုပ်ခြင်းဖြင့် သင့်၏ကုသရေးတွင် ထောက်ပံ့ပေးသည့် ကိုယ်ခံအားကို မြှင့်တင်ပါ။

အကယ်၍ဆဲလ်များ စနစ်တွင်ပြုပြင်ရန်နှင့် ကြီးထွားရန် လိုအပ်သောအာဟာရများမရှိပါက ကုသရေလုပ်ငန်းမျာတွင် အနှောက်အယှက်ဖြစ်ပြီး ကူးစက်ရောဂါများနှင့် အကယ်၍ ထိခိုက်ဒဏ်ရာ ရရှိသည့်အခါတွင် ပျောက်ကင်းဖို့ကြာနိုင်ပါသည်။ ဆီးချိုးရောဂါရှိသည့် သက်ကြီးရွယ်အိုများသည် မကြာခဏ ထိခိုက်ဒဏ်ရာများဖြစ်တတ်ပြီး ၎င်းဒဏ်ရာများရရှိသည့်အခါတွင် ပျောက်ကင်းစေဖို့ကြာရှည်နိုင်ပါသည်။ ဆီးချိုရောဂါရှိသော သက်ကြီးရွယ်အိုများ၏ ခြေထောက်အောက်ပိုင်းသည် ထုံခြင်းနှင့် နာကျင်မှုကြောင့် ထိခိုက်ဒဏ်ရာများကို ခံစားရန် ခက်ခဲစေပါသည်။ ဆီးချိုရောဂါတွင် သွေးစီးဆင်းမှု လျော့နည်းလာသည်နှင် အမျှ ဒဏ်ရာများကို ပျောက်ကင်းအောင်ကူညီပေးသော ဆဲလ်များသည်လည်း ကောင်းစွာအလုပ်မလုပ်တော့ပါ။ သွေးထဲရှိ သကြားဓာတ်မြင့်မားခြင်းအပါအဝင် သွေးကြောဆိုင်ရာ သွေးလည်ပတ်မှုသည် ကလာပ်စည်းများနှင့် monocytes ကဲ့သို့သော ဆဲလ်များကို ဟန့်တားသောကြောင့် ဆီးချိုသမားများအတွက် ဒဏ်ရာများ သက်သာစေဖို့ အတားအဆီးဖြစ်ပါသည်။ လေ့ကျင့်ခန်းလုပ်ခြင်းသည် သွေးလည်ပတ်မှုကို ကောင်းစေပြီး ဒဏ်ရာများသက်သာစေဖို့ အကျိုးသက်ရောက်သည်။ ၎င်းနှင့်အတူ ကျန်းမာရေးကို အထောက်အကူဖြစ်စေသည့် အစားအသောက်များ ပရိုတင်း၊ ဒဏ်ရာများကို သက်သာစေသောအာဟာရများ၊ အမိုင်နိုအက်စစ်များသည် အရေပြားနှင့် ကိုယ်ခန္ဓာတစ်သျှူးများကို ပြန်လည်တည်ဆောက်ရာတွင်ကူညီပေးပါသည်။

ဒဏ်ရာများကို ထောက်ပံ့ပေးခြင်းနှင့် ကောင်းမွန်စွာကုသနိုင်ဖို့ကာကွယ်ပေးခြင်း။

အကယ်၍ အချိန်ကြာမြင့်စွာ လှုပ်ရှာခြင်းမပြုဘဲ လဲနေသော သက်ကြီးရွယ်အိုများတွင် အိပ်ရာနာများ ဖြစ်လေ့ရှိပါသည်။ ၎င်းဖိအားသည် အရိုးများထိပ်တွင် ရှိသော ပျော့ပြောင်းသည့် တစ်ရှုးများသို့ သွေးစီးဆင်းမှု ဖြတ်တောက်စေပါသည်။ ပထမဦးစွာရုပ်ပိုင်းဆိုင်ရာကို ဂရုစိုက်ပေးပြီး ထိုဧရိယာသို့သွေးများ စီးဆင်းစေရန် ထောက်ပံ့ပေးပါ။ ဒဏ်ရာဖြစ်သည့်နေရာပေါ်မူတည်၍ မတ်တပ်ရပ်ခြင်း သို့မဟုတ် လမ်းလျှောက်ခြင်း၊ ဘေးတစ်စောင်းလဲခြင်း သို့မဟုတ် မှောက်အိပ်ခြင်းဖြင့် အခြားနေရာများတွင် ဒဏ်ရာများဖြစ်ခြင်း လျော့ကျ စေရန် ၂ နာရီခြားတစ်ခါပြောင်းပေးပါ။ စုတ်ပြဲနေသောဒဏ်ရာများရှိပါက ၎င်းအနာများ ပျောက်ကင်းစေရန်အတွက် အနာများကို သန့်ရှင်းရေး သေချာစွာပြုလုပ်ပေးပါ။ ပတ်တီးစည်းပေး

ခြင်း၊ ဆေးများသေချာစွာထည့်ပေးခြင်း၊ အစိုဓာတ်ရအောင်ဆေးဖြင့်ကုသခြင်း နှင့် အနာ(ဒဏ်ရာ)ပတ်ဝန်းကျင် အား ကျန်းမာအောင် ပြုလုပ်ခြင်းများလုပ်ဆောင်ပေးသင့်ပါသည်။ ခန္ဓာကိုယ်အတွင်းပိုင်းတွင် ဖြစ်ပါက ကုသမှုအတွက် ဆဲလ်များ၏လုပ်ဆောင်မှု နှင့် ကိုယ်ခံစွမ်းအားကို တိုးတက်ရန်အတွက် ဖြည့်စွက်ဆေးများနှင့် ဆရာဝန် အကြံပြုထားသော ဆေးများကို သောက်သုံးသင့်ပါသည်။ ဗီတာမင် စီ နှင့် ဇင့်ကို ထိပ်ဆုံးကနေ ရွေးချယ်သင့်ပါသည်။ အဘယ်ကြောင့်ဆိုသော် ၎င်းတို့သည် ဆဲလ်များကို များစွာပြန့်ပွားစေပါသည်။ သက်ကြီးရွယ်များ အမျိုးသားနှင့် အမျိုးသမီး နှစ်မျိုးအတွက်အတူတူပဲလား? အခြေခံအားဖြင့် တူသော်လည်း အသေးစိတ်အချက်အလက်များအရ အမျိုးသမီတစ်ယောက်အတွက် တစ်နေ့လျှင် ပရိုတင်း ၄၆ ဂရမ်ခန့်လိုအပ်ပြီး အမျိုးသားတစ်ယောက်အတွက် ၅၆ ဂရမ်ခန့်လိုအပ်ပါသည်။ အသီးအနှံအမျိုးမျိုး၊ ကောက်ပဲသီးနှံများနှင့် ဆီနည်းသော နို့ထွက်ပစ္စည်းများပါဝင်ပါသည်။

မှန်ကန်စွာစားသုံးပါ၊ မကြာခဏလှုပ်ရှားမှုများပြုလုပ်ပါ၊ မလိုအပ်သော ဖိစီးမှုများကို ရှောင်ရှားပါ၊ နာတာရှည်ရောဂါများကို ထိန်းချုပ်ပါ၊ ဆီးချိုရောဂါကို ကုသမှုခံယူခြင်းနှင့် သွက်သွက်လက်လက်ရှိခြင်းသည် ကိုယ်ခံအားကိုအထောက်အကူပြုသည့်အပြင် ဒဏ်ရာများကို ကုသရာ တွင်လည်း အကူအညီပေးပါသည်။

References:

1. https://www.woundcareinc.com/resources/factors-that-affect-wound-healing
2. https://www.health.harvard.edu/diseases-and-conditions/why-wound-healing-gets-harder-as-we-age#:~:text=%22The%20body’s%20capacity%20to%20repair,healing%20process%2C%22%20says%20Dr.
3. http://sitn.hms.harvard.edu/flash/2013/issue133a/