အဘယ်ကြောင့် သက်ကြီးပိုင်းများ ကိုယ်ခံစွမ်းအား မြှင့်တင်ရန် လေ့ကျင့်ခန်း လုပ်သင့်သလဲ

သုတေသနအရ လေ့ကျင့်ခန်းသည် အဆုတ်နှင့်အသက်ရှူလမ်းကြောင်းမှ ဘက်တီးရီးယားများကို ထုတ်ပစ်ခြင်းအားဖြင့် အအေးမိခြင်း၊ တုပ်ကွေးနှင့် အခြားနာမကျန်းခြင်းများဖြစ်မည့်အခွင့်အလမ်းကိုလျှော့ချနိုင်ခြင်းကြောင့် ကိုယ်ံအားစွမ်းအားစနစ်ကို အကျိုးရှိစေသည် ဟု အကြံပြုသည်။

Antibodies များနှင့် သွေးဖြူဥများကို ပြောင်းလဲမှုဖြစ်စေသည်။ ဤ antibodies သို့မဟုတ် WBCs များသည် ပိုမိုလျင်မြန်စွာ ပျံ့နှံ့သွားသဖြင့် ရောဂါကိုစောစီးစီးရှာဖွေတွေ့ရှိနိုင်သည်။ လေ့ကျင့်ခန်းလုပ်စဉ်နှင့် လုပ်ပြီးချိန် ခန္ဓာကိုယ်အပူချိန် အနည်းငယ်တက်လာခြင်းက ဘက်တီးရီးယား ကြီးထွားမှုအား ကာကွယ်ပေးနိုင်သည်။ ခန္ဓာကိုယ်အပူချိန် မြင့်တက်ခြင်းက ကူးစက်ရောဂါများအား ခုခံမှုကို အားကောင်းစေသည်။

ထပ်လောင်းပြောဆိုရလျှင် လေ့ကျင့်ခန်းသည် စိတ်ဖိစီးမှု ဟော်မုန်းကိုလျော့ကျစေသည်။ အချို့  စိတ်ဖီးစီးမှုများသည် နာမကျန်းမှုကို ပိုဖြစ်စေသည်။ စိတ်ဖိစီးမှုဟော်မုန်းလျော့နည်းခြင်းက နာမကျန်းမှုကို ကာကွယ်နိုင်သည်။

တစ်ပတ်လျှင် ၃ ကြိမ် ကိုယ်လက်လှုပ်ရှားမှု အနည်းဆုံး နာရီ၀က် လုပ်ခြင်းက ကိုယ်ခံစွမ်းအားစနစ် ကိုသာမက သွေးလှည့်ပတ်မှုကို ကောင်းစေပြီး အဆစ်မြစ် ယောင်ယမ်းမှုကို လျော့နည်းစေသည်။

ကမ္ဘာ့ကျန်းမာရေးအဖွဲ့အစည်းမှ အေရိုးဗစ်နှင့် သန်မာမှုလေ့ကျင့်ခန်းများအပြင် ဟန်ချက်လေ့ကျင့်ခန်းများက ချော်လဲမှုကို လျော့ကျစေသည့်အတွက် လုပ်ဆောင်ရန် တိုက်တွန်းထားသည်။ အကယ်၍ သက်ကြီးပိုင်းသည် နာတာရှည် ရောဂါကြောင့် လုပ်ဆောင်နိုင်ခြင်းမရှိပါက မိမိတို့နိုင်သည့် လှုပ်ရှားမှုမျိုးကို လုပ်ဆောင်ရမည်။ တိုက်တွန်းထားသော ကိုယ်လက်လှုပ်ရှားမှု ပမာဏသည် နေ့စဉ်လုပ်ဆောင်မှုများဖြစ်သည့် ကိုယ့်ကိုယ်ကိုဂရုစိုက်ခြင်း၊ ဟင်းချက်ခြင်း၊ စျေးဝယ်ခြင်းတို့ကဲ့သို့ လုပ်ဆောင်သင့်သည်ကို သတိပြုရမည်။

လေ့ကျင့်ခန်းနှင့်အတူ ကျန်းမာစွာ စားသုံးခြင်းကိုပါ လုပ်ဆောင်ရမည်။ သက်ကြီးပိုင်းများသည် ပြည့်ဝမျှတသော အစားအသောက်ကို စားသုံးရမည်၊ သို့မှသာ ကိုယ်ခံအားစနစ်နှင့် နာမကျန်းမှုများမှ ပြန်ကောင်းနိုင်စွမ်းမြန်ဆန်ပြီး နာတာရှည်ရောဂါများကိုပါ ကာကွယ်ပေးနိုင်မည် ဖြစ်သည်။

မည်သည့်အသက်ပင်မဆို မျှတသော အစားအသောက်စားသုံးရန်မှာ စိန်ခေါ်မှု တစ်ရပ်ဖြစ်သည်။ ထိုသို့ဖြစ်လျှင် အာဟာရဖြည့်စွက်စာများကို နေ့စဉ်အစားအသောက်တွင် လိုအပ်သော အာဟာရဓာတ် ရရှိရေးအတွက် ထည့်သွင်းစားသုံးနိုင်သည်။ အဆိုပါ ပစ္စည်းများသည် သင့်နေ့စဉ် အာဟာရတွင် လိုအပ်သော အာဟာရဓာတ်များကို ဖြည့်ဆည်းပေးနိုင်သည်။

References:

1. https://www.healthline.com/health/flu/boost-immune-system-over-65#3.-Get-active
2. https://medlineplus.gov/ency/article/007165.htm
3. https://www.ncbi.nlm.nih.gov/pmc/articles/PMC6304477/
4. https://abbottfamily.com.sg/articles/active-aging/eat-well#