လူကြီးပိုင်းများ ဘာ့ကြောင့် ခံနိုင်ရည်လျော့နည်းတာကို တွေ့ကြုံရတာလဲ။

လူတစ်ယောက်ဟာ အသက်ကြီးလာတာနဲ့အမျှ သူရဲ့ခွန်အားနဲ့တက်ကြွမှုတွေ လျော့နည်းသွားပါတယ်။ လူကြီးတွေဟာ စွမ်းအင်တွေကို ပိုမိုသုံးစွဲရတာကြောင့် ရိုးရိုးရှင်းရှင်းအလုပ်တွေကို လုပ်ရင်တောင် ပင်ပန်းသွားနိုင်ပါတယ်။

ဒီနေရာမှာ  လူကြီးများ ခွန်အားဆုံးရှုံးတဲ့အကြောင်းအရာနဲ့ တိုက်ဖျက်ဖို့နည်းလမ်း အချို့ကို ကျွန်ုပ်တို့လေ့လာထားပါတယ်။

လူကြီး များအတွက် ခွန်အားများဆုံးရှုံးခြင်းဟာ အောက်ပါအကြောင်းအရာများကြောင့် ဖြစ်နိုင်ပါတယ်။

ကြွက်သားများဆုံးရှုံးခြင်း

ကြွက်သားဆုံးရှုံးမှုဟာ ရှောင်လွှဲမရတဲ့အရာဖြစ်ပြီး ၎င်းဟာ အားနည်းခြင်းကိုဖြစ်စေပါတယ်။ တကယ်လို့ ၎င်းအရာကို မတားဆီးနိုင်ပါက လူကြီးများကို အမှီအခိုမကင်းနိုင်တဲ့မသန်မစွမ်းမှုဖြစ်စေနိုင်ပါတယ်။ အသက်ကြီးလာတာနဲ့အမျှ ပျက်ဆီးသွားတဲ့ကြွက်သားများ ပြန်လည်ပြုပြင်ဖို့နဲ့ ကြွက်သားများ အစားထိုးဖို့ အလွန်နှေးလာပါတယ်။ ထိုကဲ့သို့ ကြွက်သားအရွယ်အစားကျုံ့လာခြင်းများ နဲ့ အခြားအရာများပေါင်းစပ်မှုကြောင့် ပင်ပန်းနွမ်းနယ်စေပါတယ်။

သင့်အဆစ်များရဲ့အခြေအနေ

အရိုးနုများ၊ အမှေးပါး များနဲ့ အရည်များဟာ သင့်ရဲ့အရိုးများကို အဆစ်များအတွင်း တစ်ခုနဲ့တစ်ခု ဆန့်ကျင်ခြင်း ကြိတ်မိခြင်းမှ ကာကွယ်ပေးပါတယ်။ ကျွန်ုပ်တို့အသက်ကြီးလာတာနဲ့အမျှ စွမ်းဆောင်နိုင်မှု ကျဆင်းလာခြင်း၊ အရွတ်သန်စွမ်းမှု နည်းလာခြင်းတွေကြောင့် အကြောများတောင့်တင်းခြင်းကိုဖြစ်စေပါတယ်။ ဆိုးရွားတဲ့ဆေးဖက်ဆိုင်ရာ အကြောင်းပြချက်တွေအပြင် အခြားနေရာတွေမှာလည်းလျင်မြန်စွာ ပြောင်းလဲခြင်းဟာ လေ့ကျင့်ခန်းလုပ်ဆောင်မှု နည်းပါးတာကြောင့်ဖြစ်ပါတယ်။

သွေးစီးဆင်းမှု

အသက်ကြီးလာတာနဲ့အမျှ နှလုံးမှ သွေးလည်ပတ်မှုကိုလည်းပြောင်းလဲစေပါတယ်။ သင့်အသက် (၃၀) နှစ်နောက်ပိုင်းမှ စပြီး သင့်နှလုံးမှ သွေးစီးဆင်းမှုဟာ ၁၀နှစ်လျှင် ၅ % မှ ၁၀ % အထိကျဆင်းသွားပါတယ်။ သွေးတွင်းအောက်စီဂျင်ပါဝင်မှုနည်းပါးသွားတဲ့အချက်ကြောင့် နေ့စဉ်လှုပ်ရှားမှုများ လုပ်ဆောင်ရာမှာတောင် အသက်ရှုကြပ်ခြင်းကို ဖြစ်စေပါတယ်။ ဆိုးရွားတဲ့သွေးတွင်းအောက်ဆီဂျင်လည်ပတ်မှုဟာ ကြွက်သားကြီးထွားခြင်းကို ကန့်သတ်စေပါတယ်။

သက်လုံကောင်းစေဖို့နည်းလမ်းများ

အစားအသောက်နဲ့လေ့ကျင့်ခန်းလုပ်ဆောင်ခြင်းဟာ သင့်ကို အသက် (၂၀) လူငယ်တစ်ဦးလို မဖြစ်နိုင်ပေမယ့် သင့်အသက်အတွင်း တက်ကြွမှုတွေကို ပြန်လည်ဖြစ်စေနိုင်ပါတယ်။

အသေးအဖွဲကိစ္စများ

သင်လေ့ကျင့်ခန်းများ စမလုပ်မီ အကောင်းဆုံးသော ရွေးချယ်မှုဖြစ်စေဖို့ သင့်ဆရာဝန်နဲ့တိုင်ပင်ပြီး ဆုံးဖြတ်ချက်များကိုရယူပါ။ သင်ပြောင်းလဲခြင်းကြီးကြီးမားမား မပြုလုပ်နိုင်ရင်တောင် လှေကားတက်ခြင်း၊ ကားမောင်းသွားခြင်း ထက် လမ်းလျှောက်သွားခြင်း ဒါမှမဟုတ် ရေခဲမုန့်စားခြင်းအစား ပန်းသီးစားခြင်းတို့ ကိုပြုလုပ်ရင်ကို ကျန်းမာရေးပိုမိုကောင်းမွန်စေပါတယ်။ ဒါ့အပြင် သန်မာစေတဲ့လေ့ကျင့်ခန်းနဲ့ တခြားလှုပ်ရှားမှုတွေအပြင် ဆန့်ထုတ်ခြင်းလေ့ကျင့်ခန်းတွေ လုပ်ဆောင်ဖို့ မမေ့ပါနဲ့။ ၎င်းဟာကြွက်သားတွေ တင်းခြင်းနဲ့ ကြွက်သားမျှင်တွေ ဆန့်ခြင်း၊ ကျုံ့ခြင်းတို့မှာ အကူအညီပေးပါတယ်။

သင့်နှလုံးအခြေအနေပေါ်မှာ လုပ်ဆောင်ပါ။

လေ့ကျင့်ခန်းပုံမှန်လုပ်ထားတဲ့နှလုံးဟာ သင်အနားယူတဲ့အခါ နှလုံးခုန်နှုန်း ပုံမှန်ဖြစ်စေဖို့ ထိန်းပေးပါတယ်။ နှလုံးသွေးကြောဆိုင်ရာလှုပ်ရှားမှုတွေဟာ သွေးစီးဆင်းမှုကို ဖြစ်စေပြီး ၎င်းအချက်ဟာ ကြွက်သားကြီးထွားမှုနဲ့ ဖွံ့ဖြိုးတိုးတက်မှုကို မြှင့်တင်ပေးပါတယ်။ လူကြီးတစ်ယောက်ဟာ တစ်နေ့ကို မိနစ် (၃၀) ခန့် တစ်ပတ်ကို ၅ ရက် နှလုံးလေ့ကျင့်ခန်းလုပ်ဆောင်ဖို့ အကြုံပြုပါတယ်။ အိမ်ပတ်ဝန်းကျင် ဒါမှမဟုတ် ပန်းခြံထဲမှာ လမ်းဖြည်းဖြည်းလျှောက်ခြင်း တိုက်ခန်းတွင်နေထိုင်ပါက အိမ်ထဲတွင် လျှောက်ခြင်းများ သည် အိမ်တွင်းနေထိုင်ရင်းသက်သောင့်သက်သာနဲ့လုပ်ဆောင်နိုင်ပါတယ်။ တကယ်လို့ သင့်တွင်လမ်းလျှောက်စက်တစ်လုံးရှိရင် တူညီတဲ့အချိန်အတိုင်းအတာ နဲ့ ခံနိုင်ရည်ရှိတဲ့ အတိုင်းအတာကို ချိန်ညှိပြီး ထပ်တလဲလဲပြုလုပ်ပါ။

အိပ်စက်ခြင်း

လူမှုအသိုင်းအဝန်းတွေမှာ “အိပ်စက်ခြင်းဟာ အားနည်းသူတွေအတွက်ဖြစ်တယ်” လို့ သင်မကြာခဏကြားဖူး ပါလိမ့်မယ်။ ဒါပေမယ့် အမှန်တကယ်အားဖြင့် ညတစ်ညအတွက် ကောင်းစွာအနားယူဖို့ လွှဲချော်ခဲ့ရင် သင်ဘယ်လောက်ဆုံးရှုံးတယ်ဆိုတာကို သိပါသလား။ ၎င်းဟာ သင့်ရဲ့ ဇီဝဖြစ်ပျက်မှု၊ စိတ်ကျန်းမာရေးနဲ့ ကြွက်သားကျန်းမာရေးတို့ အပေါ်မှာ သက်ရောက်မှုရှိပါတယ်။ တချို့သောအိပ်စက်ခြင်းအဆင့်တွေမှာ သင့်ခန္ဓာကိုယ်ဟာ အနားယူဖို့နဲ့ ပြုပြင်ဖို့အခွင့်အလမ်းများရှိပြီး လေ့ကျင့်ခန်းလုပ်ခြင်းရဲ့အကျိုးကျေးဇူးတွေကို ခံစားရပါတယ်။ ဖုန်းချ၊ TV ပိတ်ပြီးရင် နေ့လည်ခင်း တွေမှာ ကော်ဖီတွေမသောက်သုံးပါနဲ့။ သင့်တွင် အိပ်စက်ခြင်းကို ဟန့်တားတဲ့ ကျန်းမာရေးအခြေအနေများမရှိရင်၊ ပုံမှန်လုပ်ငန်းဆောင်တာတွေကို ပြုလုပ်ပါ၊ ကျန်းမာစေတဲ့ အစားအစာတွေကို စားသုံးပါ၊ တစ်နေ့တာလျှင်နေ့ဘက်၌ မိနစ် (၃၀) ကျော်ထက်အိပ်စက်ခြင်းမှ ရှောင်ကြဉ်ပါ ထိုအခါသင်ဟာ ညအချိန်မှာ ကောင်းစွာပိုမို အိပ်စက်နိုင်ပါလိမ့်မယ်။

လူကြီးများအတွက် သက်လုံတိုးတက်ကောင်းမွန်စေဖို့ သင့်တော်တဲ့ ကိုယ်လက်လှုပ်ရှားမှု တွေလုပ်ဆောင်တာအပြင် အဓိကအာဟာရအားလုံးကို ရရှိဖို့ဟာလည်း အရေးကြီးပါတယ်။ အစားအစာတွေက တဆင့်သင်လိုအပ်တဲ့ အာဟာရတွေကို ရရှိဖို့ခက်ခဲရင် ဖြည့်စွက်အာဟာရများက ကူညီနိုင်ပါတယ်။ Ensure Gold ဟာ HMB(hydroxymethylbutyrate, a metabolite of leucine for muscle Building), ဗီတာမင် ၂၈ မျိုး သတ္တုဓာတ်များနဲ့ ဖော်စပ်ထားတာကြောင့် လူကြီးတွေအတွက် ၎င်းတိုရဲ့ သက်လုံတည်ဆောက်ရေးလမ်းကြောင်းတစ်လျှောက်ကူညီပေးပါတယ်။

References:

1. https://www.health.harvard.edu/staying-healthy/exercise-and-aging-can-you-walk-away-from-father-time
2. https://www.betterhealth.vic.gov.au/health/conditionsandtreatments/ageing-muscles-bones-and-joints#:~:text=As%20you%20age%2C%20joint%20movement,flexibility%2C%20making%20joints%20feel%20stiff
3. https://justfitnesshub.com/stamina-and-endurance-as-you-age/
4. https://www.nia.nih.gov/health/fatigue-older-adults

Additional Readings:

1. https://ensureindia.in/ensure/balanced-nutrition
2. https://abbottnutrition.com.my/products/ensure-gold