အသက်ကြီးပိုင်းတို့ ကြွက်သားပြန်လည်သန်စွမ်းနိုင်ဖို့အတွက် HMB သည်ဘာကြောင့်အ‌ရေးကြီးသနည်း။

HMB သည်ကြွက်သားများကျန်းမာရေးနှင့် ခွန်အားများကိုထိန်းသိမ်းရန်၊ အထူးသဖြင့် အသက်အရွယ်ကြီးမြင့် ခြင်းကြောင့် ဖြစ်ပေါ်လာသည့် အကျိုးသက်ရောက်မှုများ နှင့် ရောဂါ (သို့) ဒဏ်ရာများမှ ပြန်လည်သက်သာစေရန် လေ့ကျင့်ခန်များလုပ်ရာတွင် ပရိုတင်းများနှင့် အတူတကွကြွက်သားများကို ပြန်လည်အားဖြည့်ပေးပါသည်။ သုတေသနစမ်းသပ်ချက်များအရ HMB ( beta-hydroxy-beta-methylbutyrate) ဟုခေါ်သည့် ဒြပ်ပေါင်းသည် ကြွက်သားများကျန်းမာရေးအတွက်များစွာ အကျိုးရှိစေပါသည်။ HMB သည် သိပ္ပံအမည်တစ်ခုဖြစ်သော်လည်း သင်စားလိုက်သောအစားအစာ၏ အစိတ်အပိုင်းတစ်ခုသာဖြစ်ကြောင်း သိရှိသွားသောအခါ ပိုမိုနားလည်လွယ်ကူသွားစေနိုင်ပါသည်။

ခန္ဓာကိုယ်သည် Leucine ဓာတ်ကို ပျက်ပြယ်သွားသောအခါ HMB ကို သဘာဝအလျောက် အနည်းငယ်သာ ထုတ်လုပ်ပေးပါသည်။ နို့၊ ဒိန်ချဥ်၊ ကုလားပဲ နှင့် အသား အစရှိသည့် ပရိုတင်းဓာတ်များစွာပါဝင်သော အစားအစာများသည် မရှိမဖြစ်လိုအပ်သော အမိုင်နိုအက်စစ်ရရှိသည့် အစားအစာများဖြစ်ပါသည်။ ၄င်းဓာတ်ကို သဘာဝအလျောက်တွေ့ရသော ထောပတ်သီး၊ စပျစ်သီး နှင့် ပန်းဂေါ်ဖီကဲ့သို့သော အစားအစာများတွင်လည်း အနည်းငယ်တွေ့နိုင်သည်။ သို့သော် အစားအသောက်တစ်ခုတည်းဖြင့် ကြွက်သားကျန်းမာရေးကို အထောက်ကူပြုစေသည့် HMB ပမာဏရရှိရန်ခက်ခဲပါသည်။ ထို့ကြောင့် မကြာခဏ ဖြည့်စွက်အာဟာရများကို စားသုံးရန်အကြုံပြုပါသည်။

အိုမင်းခြင်းသည်ကြွက်သားများအပေါ်မည်သို့အကျိုးသက်ရောက်မှုရှိသလဲ နှင့် HMB သည် မည်သို့ကူညီပေးနိုင်သလဲ

ကြွက်သားပရိုတင်းများပြိုကွဲခြင်း နှင့် ‌ပေါင်းစပ်ခြင်း (သို့) တည်ဆောက်ခြင်းသည် ခန္ဓာကိုယ်အတွင်း တစ်နေ့လုံး ဖြစ်ပျက်နေသည်။ ထို့ကြောင့် ကြွက်သားတည်ဆောက်ခြင်းထက် ကြွက်သားပြိုကွဲခြင်း အရင်မဖြစ်ပေါ်စေရန် သေချာဂရုပြုသင့်ပါသည်။ သို့သော် ကြွက်သားပြိုကွဲခြင်းသည် အသက်၊ ဖျားနာခြင်းနှင့် လှုပ်ရှားမှုတို့နှင့် အတူသက်ဆိုင်နေသည်။

Sarcopenia ဟုလူသိများသော အသက်ရွယ်နှင့်သက်ဆိုင်သည့်ကြွက်သားဆုံးရှုံးမှုများသည် အသက် (၅၀) နှင့် အထက်လူကြီး (၃) ယောက်တွင် (၁) ယောက်ကို ထိခိုက်စေပါသည်။ ကြွက်သားကျန်းမာရေးကျဆင်းခြင်းသည် ပင်ပန်းနွမ်းနယ်ခြင်း၊ ခွန်အားနှင့် စွမ်းအင်များဆုံးရှုံးခြင်းအပြင် ခန္ဓာကိုယ်လှုပ်ရှားမှုကိုပါအားနည်းစေပါသည်။

ထို့ကြောင့် ကြွက်သားသန်စွမ်းခြင်းနှင့် ကြွက်သားများပြန်လည်သန်စွမ်းရေးအတွက် ဘာတွေပြုလုပ်နိုင်ပါသလဲ? HMB သည် လူကြီးများ၏ ကြွက်သားဆိုင်ရာ ပြဿနာများအတွက် များစွာအကျိုးပြုနိုင်ပါသည်။

HMB သည် ကြွက်သားပြိုကွဲခြင်းကိုနှေးကွေးစေသောကြောင့် အသက်အရွယ် ကြီးသူတို့၏ ကြွက်သားကျန်းမာရေးကို ကူညီစောင့်ရှောက်ပေးသည်။ HMB သည် ကျန်းမာသောလူကြီးများ၏ ကြွက်သားများပြန်လည်နာလန်ထူမှုကိုကူညီထိန်းသိမ်းပေးပါသည်။

ပရိုတင်းကြွယ်ဝသောအစားအစာများ စားသုံးခြင်းနှင့် ပုံမှန်လေ့ကျင့်ခန်းလုပ်ခြင်းတို့သည် သဘာ၀ကျသော ညီညွတ်မျှတမှုအတွက် အထောက်အကူ ပြုနိုင်ပါသည်။ ခန္ဓာကိုယ်တွင်းရှိ HMB ပမာဏသည် နဂိုရှိနေသော ကြွက်သားထုထည်နှင့် များစွာဆက်စပ်မှုရှိပါသည်။ သက်ကြီးရွယ်အိုများ ကြွက်သားကျန်းမာရေးကို အကျိုးပြုစေရန်လုပ်ဆောင်နိုင်သည့် အရာတစ်ခုမှာ HMB ပိုမိုရရှိခြင်း၊ လေ့ကျင့်ခန်းများလုပ်ခြင်းနှင့် ကောင်းမွန်သော အစားအစာများကို စားသုံးခြင်းပင်ဖြစ်ပါသည်။

Sources & References:
https://academic.oup.com/jn/article/131/7/2049/4686766
https://www.nutritionnews.abbott/healthy-living/aging-well/why-hmb-is-important-for-agingmuscles/
https://www.sciencedaily.com/releases/2015/09/150902135345.htm