လူကြီးများအားကြည့်ရှုစောင့်ရှောက်မှုပေးနေသူများသိထားရမယ့် အာဟာရပြည့်ဝအောင်စားသုံးနေထိုင်ခြင်း

လူတစ်ယောက်အသက်ကြီးလာတာနဲ့အမျှ စားသောက်မှုနဲ့အာဟာရလိုအပ်ချက်တွေကိုပိုမို ပြောင်းလဲလာရမှာဖြစ်တဲ့အတွက် လူကြီးတွေကိုကြည့်ရှုစောင့်ရှောက်နေသူတွေ လမ်းညွှန်အနေနဲ့အသုံးပြုနိုင်ဖို့ နည်းလမ်းအချို့ကို ဖော်ပြပေးထားပါတယ်။ အာဟာရဓာတ်တိုင်းမှာ အကျိုးပြုနေတဲ့ရည်ရွယ်ချက်ရှိနေပြီး အာဟာရဓာတ်များအားလုံးဟာ လူကြီးများကျန်းမာရေးကို အထောက်အပံ့ဖြစ်စေဖို့ အတူတကွ အလုပ်လုပ်ကြရပါတယ်။ နာမည်ကြီးနေတဲ့ စားသောက်မှုပုံစံတွေမှာ အာဟာရဓာတ်တစ်ခုကိုသာ အဓိကထားပြီး စားသောက်နေထိုင်ဖို့အားပေးတတ်ကြပေမယ့် တကယ်တော့ အားလုံးညီမျှစွာစားသုံးခြင်းက အဓိကသော့ချက်ပဲဖြစ်ပါတယ်။ ဘာဖြစ်လို့လည်းဆိုတော့ လူကြီးတွေအနေနဲ့ အစားများများစားနေပေမယ့်လည်း အကျိုးမရှိတဲ့ ကယ်လိုရီတွေကိုသာ စားနေတာမျိုးဖြစ်နိုင်တာကြောင့်ပါ။^{1, 5}

နေ့စဉ်စားသုံးနိုင်သော ပမာဏ(Recommended Dietary Allowance- RDA) ကိုနားလည်ခြင်း

နေ့စဉ်စားသုံးနိုင်သော အရွယ်အစား၊ အကြိမ်ရေ ဒါမှမဟုတ် ပမာဏ (RDA) ဆိုတာတွေဟာ လူတစ်ယောက် တစ်နေ့တာမှာ အာဟာရ ဘယ်လောက်စားသင့်တယ်၊ လိုအပ်တယ်ဆိုတာကို တိုင်းတာသတ်မှတ်ခြင်းဖြစ်ပါတယ်။ တကယ်တော့ အသက်အရွယ်၊ ကျားမ အပေါ်အခြေခံပြီး ပမာဏသတ်မှတ်ထားတာဖြစ်ပါတယ်။ ဥပမာဆိုရမယ်ဆိုရင် လူကြီးတွေရဲ့ ခန္ဓာကိုယ်ဟာ ပရိုတိန်းနဲ့ ဗီတာမင် D တို့ကိုအသုံးပြုတဲ့လုပ်ငန်းစဉ်မှာ ထိရောက်မှုနည်းတဲ့အတွက်  RDA ပမာဏဟာ လူငယ်တွေထက်များမှာဖြစ်ပါတယ်။ တစ်ဦးချင်းစီ လိုအပ်တဲ့ RDA အတွက်တော့  ဆေးပညာဆိုင်ရာကျွမ်းကျင်သူများနဲ့ ဆွေးနွေးပြီး တိကျတဲ့ စားသောက်မှုစီမံကိန်း ချမှတ်နိုင်ပါတယ်။¹

သန်မာမှုအတွက် ဗီတာမင် D

နေရောင်ခြည်ဗီတာမင်လို့ ခေါ်ဝေါ်ကြတဲ့ ဗီတာမင်  D ဟာ အရေပြားကိုနေရောင်ထိခြင်းကနေ ပေါ်ထွက်လာပါတယ်။ဒီ ဗီတာမင်ဟာအရိုးတွေအတွက်လိုအပ်တဲ့ ကယ်လ်ဆီယမ်ဓာတ်ကို ခန္ဓာကိုယ်က အများဆုံးစုပ်ယူနိုင်ဖို့အရေးကြီးဆုံးဖြစ်ပါတယ်။ လူကြီးတစ်ယောက်အနေနဲ့ ဗီတာမင် D လုံလောက်စွာမရဘူးဆိုရင် ထိခိုက်မှုဖြစ်နိုင်ခြေများတဲ့ အားနည်းတဲ့အရိုးတွေ ဖြစ်ပေါ်လာနိုင်ပါတယ်။ ဗီတာမင် D နည်းခြင်းက သွေးနီဥထုတ်လုပ်ခြင်း(ချဉ်ဆီထဲမှ)ကိုလည်း သက်ရောက်မှုရှိနိုင်တဲ့အတွက် ရလဒ်အနေနဲ့ ခန္ဓာကိုယ် လုပ်ငန်းစဉ်တွေအတွက်အရေးကြီးတဲ့ အောက်ဆီဂျင်လည်ပတ်မှုကို နှောင့်နှေးစေပါတယ်။^{1  3}

ဗီတာမင် D စုပ်ယူရရှိခြင်းဟာ အသက်ကြီးလာတဲ့အချိန်မှာ အရေပြားရဲ့ပြောင်းလဲလာမှုကြောင့် နဲ့ အပြင်မထွက်ဘဲ အိမ်ထဲမှာပဲနေတာများလာတာကြောင့်လည်း ကျဆင်းလာပါတယ်။အဲဒီအတွက် နေရောင်ခြည်ကနေ လုံလောက်စွာရရှိဖို့မဖြစ်နိုင်တော့ပါဘူး။ လူကြီးတွေ ဗီတာမင် D လိုအပ်တဲ့ RDA ပမာဏ ၈၀၀ IU ရရှိဖို့အတွက် စောင့်ရှောက်မှုပေးနေသူတွေဟာ အစားအသောက်ကနေ ဦးစွာရရှိအောင် ကျွေးသင့်ပါတယ်။ စားသောက်ရလွယ်ပြီးအကောင်းဆုံးဖြစ်တဲ့ ဗီတာမင် D အစားအသောက်တွေကတော့ အာဟာဖြည့်စွက်ထားတဲ့နို့၊ မှိုအချို့၊ အာဟာရဖြည့်စွက်ထားတဲ့ အစေ့အဆန် နဲ့ အပင်မှရသောနို့(ပဲနို့) တို့ကို တစ်နေ့ ၂ ကြိမ်စားသုံးစေခြင်းဖြစ်ပါတယ် (ရေ ၁၈၅mlကို Ensure ၆ဇွန်းခန့်) ။^{1, 2}

ပရိုတိန်းဟာ ရှင်သန်ဖို့အတွက် မရှိမဖြစ်လိုအပ်ပါတယ်

 ပရိုတိန်းဟာ ခန္ဓာကိုယ်ထဲမှာရှိတဲ့ ဆဲလ်တိုင်းလိုအပ်တဲ့ အာဟာရဓာတ်တစ်မျိုးဖြစ်ပြီး sarcopenia လို့ခေါ်တဲ့ သဘာဝအလျောက်ကြွက်သားဆုံးရှုံးခြင်းကို တွန်းလှန်ရာမှာ အထောက်အကူဖြစ်စေပါတယ်။ ကိုယ်ခံအားကောင်းစေဖို့နဲ့ ဒဏ်ရာရရှိတဲ့အခါပျောက်ကင်းခြင်းမှာလည်းအရေးပါပါတယ်။ တစ်နည်းအားဖြင့်ပြောရရင် လူကြီးတွေအနေနဲ့ ပရိုတိန်းလုံလောက်စွာမရရှိရင် ဒါမှမဟုတ် အရည်အသွေးမြင့်များတဲ့ပရိုတိန်းမရရှိရင် အရေပြားအားနည်းခြင်းနဲ့ ကြွက်သားဆုံးရှုံးမှုမြန်ခြင်းတို့ဖြစ်နိုင်ပါတယ်။ ဒီလိုပြဿနာတွေဖြစ်လာတဲ့အခါမှာ လှုပ်ရှားနိုင်စွမ်းလျော့လာပြီး အခြားလူနေမှုအခြေအနေတွေပါလျော့ကျလာစေနိုင်ပါတယ်။ ဒီကနေတစ်ဆင့် လူကြီးတွေ စားသောက်ချင်စိတ်မရှိတော့တဲ့အခြေအနေအထိ ဖြစ်သွားနိုင်ပါတယ်။^{2, 3}

တိုက်တိုက်ဆိုင်ဆိုင်ပဲ ပရိုတင်းဓာတ်အများကြီးပါဝင်တဲ့ အစားအသောက်တွေမှာ ခွန်အား(energy level)၊ ကိုယ်ခံအား နဲ့ အောက်ဆီဂျင်လည်ပတ်ဖို့အတွက် သွေးနီဥထုတ်လုပ်ခြင်းတို့ကို အထောက်အကူပြုတဲ့ ဗီတာမင် B6 နဲ့ B12 တို့ပါဝင်နေပါတယ်။ လူကြီးတွေအလွယ်ကူဆုံးစားသုံးနိုင်တဲ့ ပရိုတင်းအစားအသောက်ကတော့ နို့နဲ့ ဥအမျိုးမျိုးတို့ပဲဖြစ်ပါတယ်။ အရည်အသွေးမြင့်မားတဲ့ ပရိုတိန်းပါဝင်တဲ့ အခြားအရာများကတော့ ဟင်းနုနွယ်ရွက်၊ Quinoa)
၊ ပဲအမျိုးမျိုး၊ ပဲပိစပ်၊ အသားအမျိုးမျိုး၊ ကလီစာ၊ ငါး နဲ့ အခွံမာသီးများဖြစ်ပါတယ်။^{2, 3}

လူကြီးများ အာဟာရလုံလောက်စွာမစားသုံးနိုင်ခြင်းနဲ့ပတ်သက်တဲ့ အခြေအနေတွေများစွာရှိနေပါတယ်။ လူကြီးတွေကိုပြုစုစောင့်ရှောက်ပေးနေသူတစ်ဦးအနေနဲ့ ဗီတာမင် D နဲ့ ကြွက်သားကျန်းမာရေးအတွက် ပရိုတိန်း လုံလောက်စွာရရှိအောင် လုပ်ဆောင်ဖို့အရေးကြီးပေမယ့် တစ်ခါတရံမှာတော့ အစားအသောက်ကနေပဲလုံလောက်စွာ ရနိုင်ဖို့ကမလွယ်ကူပါဘူး။ အဲဒီအတွက် လူကြီးတွေကို Ensure Gold တစ်နေ့ ၂ ခွက် တိုက်ကျွေးနိုင်ပါတယ်(ရေ ၁၈၅ mlကို Ensure ၆ဇွန်းခန့်)။ Ensure ဟာ အမေရိကန်နိုင်ငံမှာ ဆရာဝန်များ ထောက်ခံမှုအမြင့်ဆုံး နံပါတ်(၁) အာဟာရဖြည့်စွက်စာ^* ဖြစ်ပြီး နေ့စဉ်အာဟာရ RDA ပမာဏ ပြည့်ဝစွာရရှိဖို့အတွက် အစားအသောက်နဲ့ တွဲဖက်ပြီးသုံးစွဲနိုင်ပါတယ်။ Ensure ဟာ သိပ္ပံနည်းကျထုတ်လုပ်ထားပြီးတော့ ကိုယ်ခံအားကောင်းစေတဲ့ ဗီတာမင် ၁၂ မျိုး^{^} အပါအဝင် ဗီတာမင်နဲ့ သတ္တုဓာတ် ၂၈ မျိုးပါဝင်ပါတယ်။ ဗီတာမင် D နဲ့ Hydroxymethylbutyrate (HMB-အမိုင်နိုအက်ဆစ် လူဆင်းကိုချေဖျက်ရာမှထွက်ပေါ်လာသောကြွက်သားထိန်းသိမ်းရေးအတွက်အရေးပါသောဓာတ်တစ်မျိုး)လည်းပါ ပါတယ်။ ⁴ Ensure Gold ကြောင့် မိမိချစ်ခင်ရသောလူကြီးများစတင်သုံးစွဲပြီး ၈ ပတ်အတွင်းမှာပင် ပိုမိုသန်မာလာစေမှာဖြစ်ပါတယ်။^** နို့အရသာမကြိုက်သူများအတွက်တော့ ပဲပိစပ်၊ ဆန်၊ Quinoa တို့မှထုတ်လုပ်ထားတဲ့ အာရှနိုင်ငံသားများနှစ်ခြိုက်သည့် အယ်လ်မွန်အရသာ Ensure Gold အပင်အခြေခံပရိုတင်း ကိုသုံးစွဲနိုင်ပါတယ်။ Ensure ဖြည့်စွက်စာများအားလုံးကို စမ်းသုံးနိုင်ရန်အတွက် ဒီနေ့ပဲ Ensure Myanmar  ကိုဝင်ရောက်ကြည့်ရှုဖို့ဖိတ်ခေါ်လိုက်ပါတယ်။⁵

References:

1. https://thegeriatricdietitian.com/7-key-nutrients-for-senior-nutrition/
2. https://www.parentgiving.com/elder-care/necessary-nutrients-how-seniors-can-get-them/
3. https://www.agingcare.com/articles/pro-tips-sneaking-calories-nutrients-into-a-seniors-diet-208396.htm
4. https://www.nutritionnews.abbott/healthy-living/aging-well/why-hmb-is-important-for-aging-muscles/
5. https://www.ensuremyanmar.com/eng/ensure-powder/

*     IQVIA, using the ProVoice Survey, fielded to 14,459 physicians from January 1, 2021 to December 31, 2021.

^    Ensure Gold contains protein, Vitamin A, B6, B12, C, D, E, Folate and selenium, copper, zinc and iron, that help support the normal function of the immune system.

**   Berton et al. PLoS One. 2015.

Additional Readings:

1. https://www.ensuremyanmar.com/ensure-careline/