သက်ကြီးရွယ်အိုများအတွက် ကျန်းမာပြီး မျှတသည့် အစားအသောက် အရေးကြီးပုံ

ကလေး၊ လူငယ်၊ လူကြီးမရွေး ကျန်းမာပြီး မျှတသည့် အစားအသောက်သည် အရေးကြီးသည်။ ခန္ဓာကိုယ်အတွက် အာဟာရလိုအပ်ချက်သည် သတ်လတ်ပိုင်းနှင့် နောက်ပိုင်းကာလများအတွက် ပို၍ အရေးပါသည်။ အသက်ကြီးလာသည်နှင့်အမျှ ကျန်းမာသည့် အစားအသောက် စားသုံးခြင်းသည် စိတ်ပြတ်သားမှု၊ ခွန်အားတိုးမှု၊ ခံနိုင်ရည်တိုးတက်မှုတို့ကို ထောက်ပံ့ပေးနိုင်သည်။ ခန္ဓာကိုယ်လှပဖို့ထက် မျှတသည့် အစားအသောက်တစ်ခုသည် စိတ်ကျန်းမာရေးကို လွန်စွာ အထောက်အကူ ပေးနိုင်သည်။

သက်ကြီးပိုင်းများသည် အာဟာရချို့တဲ့မှုကို ပိုမိုခံစားရနိုင်ပြီး ထိုအချက်သည် အောက်ပါတို့ကြောင့်ဖြစ်သည်။

• ဇီဝရုပ်ဖြစ်ပျက်မှုနှင့် အစာစားချင်စိတ်တို့သည် အသက်ကြီးလာသည်နှင့်အမျှ နှေးလာ၊ နည်းလာသည်
• ကယ်လိုရီစားသုံးမှု နည်းပါးခြင်းကြောင့် အာဟာရ စုပ်ယူမှု နည်းပါးရသည်
• ခန္ဓာကိုယ်၏ အာဟာရဓာတ်စုပ်ယူမှုသည် အသက်ကြီးလာသည်နှင့်အမျှ လျော့နည်းလာသည်။

သက်ကြီးရွယ်အိုများအတွက် ကျန်းမာစွာ စားသုံးခြင်းသည် အောက်ပါ အချက်များအတွက် အရေးပါသည်။ ဘယ်အသက်အရွယ်မဆို ကျန်းမာစွာ စားသုံးဖို့ နောက်မကျသေးပါ။ ထို့ကြောင့် ယနေ့မှ စတင်ကာ စားသောက်မှု ပုံစံကို ပြောင်းလဲလိုက်ပါ။

ထိုသို့ပြောင်းလဲခြင်းဖြင့်

၁။ အသက်ရှည်စေနိုင်သည်

သင့်တင့်သော အာဟာရသည် ကိုယ်ခံစွမ်းအားနှင့် ရောဂါဖြစ်စေသော အဆိပ်အတောက်များအား တိုက်ထုတ်ပေးနိုင်ပြီး အလေးချိန်ထိန်းပေးကာ နှလုံးရောဂါ၊ သွေးတိုး၊ Type 2 ဆီးချို၊ အရိုးဆုံးရှုံးခြင်းနှင့် ကင်ဆာတို့အား ကာကွယ်ပေးနိုင်သည်။ ထိုအစားအသောက်နှင့်အတူ လေ့ကျင့်ခန်း ပုံမှန်လုပ်လျှင် သက်တမ်းစေ့ ကျန်းကျန်းမာမာ နေနိုင်သည်။

၂။ စိတ်ကျန်းမာရေးကို မြှင့်တင်ပေးသည်

အသီးအရွက်နှင့် ငါး၊ အစေ့အမျိုးမျိုးတို့သည် အိုမီဂါ-၃ ဖက်တီးအက်ဆစ်ပါဝင်ပြီး အယ်လ်ဇိုင်းမားရောဂါ ဖြစ်နိုင်ချေကို လျှော့ချပေးနိုင်သည်။ လက်ဖက်စိမ်းသည် antioxidant ပါဝင်ပြီး မှတ်ဉာဏ်နှင့် စိတ်အခြေအနေကို ကောင်းမွန်စေသည်။

၃။ တစ်ကိုယ်လုံး ကျန်းမာစေသည်

သင့်တင့်သော အစားအသောက်သည် ခွန်အားမြှင့်ပေးပြီး ပိုမိုကြည့်ကောင်းစေပြီး ယုံကြည်မှု တိုးစေသည်။ ခန္ဓာကိုယ်ကျန်းမာလျှင် စိတ်ရောကိုယ်ပါ ချမ်းသာရမှာ အမှန်ပင်။

ကျန်းမာသော အစားအသောက် စားသုံးဖို့ အောက်ပါ နည်းလမ်းတချို့ကို လေ့လာပါ။

၁။ တစ်ရက်လျှင် သစ်သီး ၂ ကြိမ် ၃ ကြိမ်စားပါ။ ဟင်းသီးဟင်းရွက်ဆိုလျှင် antioxidant များသည့် အရောင်ရင့်ရင့် အရွက်စိမ်းစိမ်းဖြစ်သည့် ဂေါ်ဖီစိမ်း၊ ဒေါက်ခွတို့ကို စားသုံးပါ။ ဟင်းသီးဟင်းရွက်ကို ပိုမိုစားကောင်းစေရန် သံလွင်ဆီနှင့် ဂျင်း၊ ငြုပ်သီးတို့နှင့် ကြော်ပါ။ နေ့စဉ် ၂ ခွက်၊ ၃ ခွက်ခန့်မျှ စားသုံးပါ။

၂။ အမျှင်ဓာတ်ပိုမိုစားသုံးပါ၊ ဘာကြောင့်ဆိုလျှင် နှလုံးရောဂါနှင့် ဆီးချိုရောဂါ လျှော့ချပေး၍ ဖြစ်သည်။ သင့်အသားအရေကို အာဟာရဖြည့်ပေးပြီး အလေးချိန်ကို လျော့ကျစေသည်။ အသက်ကြီးလာသည်နှင့်အမျှ အစာချေစနစ် လျော့နည်းလာသည့်အတွက် အမျှင်ဓာတ် ပိုမိုလိုအပ်သည်။

၃။ ပရိုတင်းဓာတ်ကို အမျိုးအစား များများစားပါ။ အရည်အသွေးမြင့် ပရိုတင်းသည် စိတ်အခြေအနေကို မြှင့်ပေးပြီး စိတ်ဓာတ်ကျခြင်း၊ စိတ်ဖိစီးမှုတို့ကို ခံနိုင်ရည်ရှိစေသည်။ ရှင်းရှင်းလင်းလင်း ပိုမို တွေးတောနိုင်စေသည်။ Hotdogs၊ ဝက်ပေါင်ခြောက်၊ salami တို့သည် ပရိုတင်းဓာတ် လွန်ကဲစေပြီး နှလုံးရောဂါ ၊ ကင်ဆာနှင့် အခြားရောဂါများဖြစ်စေသည်။ အဆိုပါ အသားနီများထက် ငါး၊ ပဲအမျိုးမျိုး၊ ဥအမျိုးမျိုး၊ အစေ့အမျိုးမျိုးတို့ကို စားသုံးသင့်သည်။

Sources & References:

https://www.renovalleyseniorliving.com/blog/importance-of-healthy-and-balanced-diet-for-seniors/

https://www.helpguide.org/articles/healthy-eating/eating-well-as-you-age.htm