သက်ကြီးရွယ်အိုများအတွက် သန်စွမ်းမှုဆိုင်ရာ လေ့ကျင့်ခန်းများ

လူအများစုက အသက်အရွယ်ကြီးလာတာနဲ့ အမျှ လေ့ကျင့်ခန်းလုပ်ဖို့မလိုအပ်ဘူးလို့ ထင်တတ်ကြပါတယ်။ အမှန်တစ်ကယ်တော့ အသက်ကြီးလာတာနဲ့ လေ့ကျင့်ခန်းလုပ်ဖို့ လိုအပ်လာပါတယ်။ ဘာကြောင့်လဲဆိုရင် အသက်ကြီးလာတာနဲ့အမျှ ကျန်းမာပြီး အကူအညီမလိုပဲ သွားလာလှုပ်ရှားနိုင်တဲ့ခန္ဓာကိုယ်ဖြစ်ဖို့ ပါပဲ။ ဒီလိုမျိုး ဖြစ်ဖို့ လေ့ကျင့်ခန်းကို Gym တွေမှာ အပြင်းအထန်လေ့ကျင့်စရာမလိုပဲ သက်တောင့်သက်သာနဲ့ ကိုယ်ခန္ဓာကို ခံနိုင်သလောက်သာ အိမ်တွင်းလေ့ကျင့်ခန်းများပုံမှန် လုပ်ရုံလောက်နဲ့ လုံလောက်ပါတယ်။
လေ့လာစမ်းစစ်ချက်တွေအရ လေ့ကျင့်ခန်းပုံမှန်လုပ်တဲ့ သက်ကြီးရွယ်အိုများအနေနဲ့ နှလုံးသွေးလည်ပတ်မှုကောင်းခြင်း၊ အားအင်တွေတိုးလာပြီး ဖျားနာမှု ဖြစ်တဲ့အခါမှာလည်း ခံနိုင်ရည်ပိုရှိ နိုင်ပါတယ်။ နောက်ထပ်အကျိုးကျေးဇူးအနေနဲ့ တစ်နေ့ကို ၁၀ မိနစ် ၊ မိနစ် ၂၀ လေ့ကျင့်ခန်းလုပ်ခြင်းအားဖြင့် နုပျိုသွက်လက်ခြင်းကိုပါဖြစ်စေပါတယ်။
အမေရိကန်မှာရှိတဲ့ ရောဂါထိန်းချုပ်ရေးနဲ့ ကာကွယ်ရေး စင်တာတွေရဲ့ လေ့လာချက်အရ အသက်အရွယ်ကြီး သူတွေအနေနဲ့ လေ့ကျင့်ခန်းပုံမှန်လုပ်ခြင်းအားဖြင့် နာတာရှည်ရောဂါတွေဖြစ်တဲ့ အဆစ်ရောဂါ၊ အရိုးပွရောဂါ၊ ဆီးချိုရောဂါ၊ အဝလွန်ရောဂါ၊ ခါးနာခြင်းတွေနဲ့ စိတ်ကျရောဂါ ဖြစ်ပွားမှုတွေကို လျော့ချပေးနိုင်ပါတယ်။ သတင်းကောင်းအနေနဲ့ လေ့ကျင့်ခန်းလုပ်ချင်တဲ့သက်ကြီးရွယ်အိုတွေအနေနဲ့ Gym သွား အလေးမခြင်းတွေ ပြုလုပ်ရန်မလိုပဲ အိမ်မှာပဲ လုပ်ရုံနဲ့လုံလောက်ပါတယ်။

လေ့ကျင့်ခန်းလုပ်မယ်ဆိုတော့ အရင်ဆုံးမိမိရဲ့ မိသားစုဆရာဝန် ဒါမှမဟုတ် လေ့ကျင့်ခန်းဆရာဝန် တစ်ယောက်ယောက် နဲ့ တိုင်ပင်ပြီး မှ မိမိနဲ့သင့်တော်မယ့်လေ့ကျင့်ခန်းတစ်ခုခု ကိုလုပ်သင့်ပါတယ်။

သက်ကြီးရွယ်အိုတွေအတွက် လွယ်ကူစေမယ့်လေ့ကျင့်ခန်းလုပ်နည်းများ

၁။ လှဲပြီးတင်ပါးကို တံတားပုံံစံထောင်ခြင်း
ဤလေ့ကျင့်ခန်းက ခန္ဓာကိုယ်ရဲ့ အကြီးဆုံးကြွက်သားတွေဖြစ်တဲ့ ကျောဘက် ကြွက်သားတွေကို ပိုမိုသန်မာလာစေပါတယ်။

၂။ ဆောင့်ကြောင့်ထိုင်ခြင်း

ဒီလေ့ကျင့်ခန်းကိုလုပ်ခြင်းဖြင့် လှေကားတက်ခြင်း၊ ကြမ်းပြင်ပေါ်မှ ပစ္စည်းကောက်ခြင်းတို့လုပ်တဲ့အခါမှာ များစွာအထာက်အကူပြုပါတယ်။

၃။ နံရံကိုမှီ၍ ဒိုက်ထိုးခြင်း

လက်မောင်းအားတွေ၊ ကောင်းသေးလား? ပုံမှန် ကြမ်းပြင်ကို ထောက်ပြီး ဒိုက်ထိုးရတာကို ပုံစံပြောင်းထားတာ ဖြစ်ပါတယ်။

၄။ ခြေဖျားထောက်ရပ်ခြင်း

ဤလေ့ကျင့်ခန်းကိုလုပ်ခြင်းဖြင့် ခြေထောက်ဟန်ချက်ကို ပိုထိန်းနိုင်ပြီး ခြေချင်းဝတ် နဲ့ ခြေသလုံးသားတို့ကို သန်မာစေပါတယ်။

၅။ လှဲလျောင်းလေ့ကျင့်ခြင်း

ဒီလေ့ကျင့်ခန်းသည် သင်လဲလျောင်းနေရသည့်အတွက် လွယ်ကူသော်ငြားလည်း ပင်မကျော်ရိုးအတွက် များစွာ အထောက်အကူ ပေးပါတယ်။