သက်ကြီးပိုင်းအရွယ်များအတွက် ခွန်အားတည်ဆောက်နိုင်မည့် သရေစာများ

ငယ်ရွယ်သောသူများ သို့မဟုတ် သက်ကြီးပိုင်းအရွယ်များတွင် သရေစာစားခြင်းသည် ပုံမှန်ပင်ဖြစ်သည်။  သို့သော် သက်ကြီးပိုင်းအရွယ်များအနေဖြင့် ၎င်းတို့သည် နေ့စဉ်လိုအပ်သောအာဟာရများ၊ ဗီတာမင်များနှင့် ကယ်လစီယမ်များရရှိရန်အတွက် သူတို့စားသောအရာများအတွက် အထူးဂရုပြုရန် လိုအပ်သည်။  သင့်ပုံမှန်အစားအသောက်အတွက် ကြိုတင်စီစဥ်ထားသည်ဆိုပါစို့၊ ညနေစာမစားခင်ကြားထဲမှာစားဖို့အတွက်ရော? သရေစာစားမှာလား?  သင့်ကိုကူညီဖို့ အချက်အနည်းငယ်ရှိပါတယ်။ ပြောင်းလဲခြင်းသည်ခက်ခဲပါသည်။ ထို့ကြောင့်ချက်ချင်းပြောင်းလဲခြင်းထက် တစ်ခါလျှင် အနည်းငယ်စီသာ ပြောင်းလဲခြင်းသည် ကွဲပြားခြားနားမှု ကိုရစေပြီး သင့်အားကျန်းမာရေး ပိုမိုကောင်းမွန်စေသောလမ်းကြောင်းပေါ်သို့ ပို့ဆောင်ပေးပါလိမ့်မည်။  သင်သာ အသက်ကြီးပိုင်းအရွယ်တစ်ယောက်ဖြစ်ခဲ့လျှင် သင့်အနေဖြင့် အကူအညီလိုအပ်ပါက သူငယ်ချင်းများ၊ မိသားစုများ၊ စောင့်ရှောက်ရေး ၀န်ဆောင်မှုများမှ အကူအညီတောင်းခံရန် ဝန်မလေးပါနှင့်။

ထမင်းတစ်နေ့သုံးနပ်စားပါ၊ ဒါပေမယ့်လည်း တကယ်မဟုတ်ပြန်ပါဘူး

တစ်နေ့ထမင်းသုံးနပ်စားသောအစီအစဥ်သည် အချို့အတွက်ထိရောက်နိုင်သော်လည်း အချို့တွင်​တော့ အလုပ်မဖြစ်နိုင်ပါ။  သက်ကြီးပိုင်းအရွယ်များအ​နေဖြင့် ပိုမိုကောင်းမွန်သော ကျန်းမာရေးရလဒ်များအတွက် နာရီအနည်းငယ်စီခြား၍ လေးငါးခြောက်​​ကြိမ်ခန့် အနည်းငယ်စီခွဲစားသင့်သည်။  ဆိုလိုသည်မှာ လိုအပ်သည်ထက်ပို၍စားခြင်းမဟုတ်ဘဲ  ပုံမှန်၃နပ်ခန့်စာပမာဏများများစားသောနေရာတွင် ပို၍ နည်းသောပမာဏဖြင့် အချိန်ခြား၍ စားသောက်ပေးခြင်းသာ ဖြစ်သည်။  ထိုသို့စားခြင်းက အဆာပြေသရေစာစားခြင်းနှင့်တူသည်။ သရေစာစားခြင်း ကို မနှစ်ခြိုက်သောသူမရှိပါ။ ထိုသို့စားသောက်ခြင်းသည် သွေးတွင်းသကြားဓာတ်များနှင့်ကိုယ်အလေး ချိန်များကိုထိန်းသိမ်းနိုင်ခြင်း ၊ ဆီးချိုသွေးချိုအမျိုးအစား(၂)မျိုးအားကာကွယ်ပေးခြင်း၊ ဇီဝရုပ်ဖြစ်ပျက်မှုတိုးတက်စေခြင်း၊ ကိုလက်စထရောကိုလျှော့ချနိုင်ခြင်းနှင့် အစာအိမ်မှ အက်စစ်များလည်ပင်းသို့ရောက်လာခြင်းကြောင့် ရင်ပူခြင်းများကိုကာကွယ်နိုင်သည်။

လေ့ကျင့်ခန်းမလုပ်ခင်အစာစားခြင်း

သင့်ခန္ဓာကိုယ်၏လောင်စာသည် ကာဘိုဟိုက်ဒရိတ်ဖြစ်ပြီး အလုံအလောက်ရရှိရန် အရေးကြီးသည်။  သက်ကြီးပိုင်းအရွယ်များ၏ အစာခြေစနစ်သည် ၄င်းတို့၏ အသက်ငယ်စဥ်အရွယ်ကလောက် မကောင်း တော့သဖြင့် လေ့ကျင့်ခန်းမလုပ်ခင် အစာအများအပြားမစားသုံးသင့်ပါ။ လေ့ကျင့်ခန်းများမပြုလုပ်မီ အစာမစားခြင်းသည် အကောင်းဆုံးဖြစ်သည်။ သရေစာအနေဖြင့် အစာကြေလွယ်ရန် ၁နာရီမှ ၃ နာရီမတိုင်ခင် လေ့ကျင့်ခန်းမပြုလုပ်မီကြို၍စားထားသင့်သည်။  စွမ်းအင်(အား)ဖြည့်အချိုရည်များ၏ လှည့်စားခြင်းကိုမခံပါနှင့်၊ အများစုမှာသကြားများ အများအပြားပါဝင်နေသည်။ ကောင်းသောအသီးအနှံများ၊ ပျားရည်သုတ်ထားသော (သို့မဟုတ်)ယိုသုတ်ထားသောပေါင်မုန့်မီးကင်၊ ဒိန်ချဉ်၊ သို့မဟုတ် Ensure တို့ကိုစားသောက်သင့်သည်။

အဆာပြေဘာစားရမလဲ

သရေစာများ စားသောက်သောအခါ အာဟာရသိပ်သည်းစွာပါဝင်မှုသည် အဓိကသော့ချက်ဖြစ်သည်။  အစားအသောက်များ သိုလှောင်ရာတွင် ဆော်လမွန်၊ အစိမ်းရင့်ရောင်အသီးအရွက်၊ ကုလားပဲ၊ ဂျုံပါဝင်သောအစေ့အဆံများ၊ ဘလူးဘယ်ရီ၊ အခွံမာသီး၊ ဖရုံသီးနှင့် ဒိန်ခဲအနည်းငယ်ကိုရွေးချယ်ပါ။

ထိုပါဝင်ပစ္စည်းများအနက်မှ တစ်ခုခုကိုယူပြီး အနည်းငယ်မျှ မီးကင်ထားသော ပြင်သစ်ပေါင်မုန့်ပေါ်သို့တင်၍ High Tea သရေစာပြုလုပ်ပီး တွဲစားနိုင်သည် (သို့) လမ်းလျှောက်ထွက်ခြင်းလေ့ကျင့်ခန်းပြုလုပ်ပြီးလျှင် အဆာပြေစားမည့် မုန့်များအဖြစ်လည်း ယူဆောင်သွားနိုင်သည်။ ဆိုဒီယမ်ပါဝင်သောအာလူး​ကြော်များအစား ကြွပ်ရွနေသောအသီးအရွက်များကို Hummus(ဟွန်းမက်စ်)အနှစ်ဖြင့် လုပ်စားခြင်းက ပိုကောင်းသည်။ အကယ်၍ ဟင်းသီးဟင်းရွက်များကို သင်မကြိုက်ဘူးဆိုပါစို့၊ ဒိန်ချဥ်၊ အသီးအနှံများ သို့မဟုတ် ကြက်ဥပြုတ်တို့အား ဆိုဒီယမ် အနည်းငယ်သာပါဝင်သည့် ကြိုက်နှစ်သက်ရာဟင်းခတ်အမွှေးအကြိုင်များနှင့်လည်း တွဲ၍လည်းသုံးဆောင် နိုင်သည်။  စျေးသက်သာသော သရေစာလုပ်သည့်နည်းလမ်းအချို့ကို သိမ်းဆည်းထားသောလက်ကျန်အစားသောက်များမှ လည်းလုပ်နိုင်ပါသည်။ အပြင်ထွက်စားလျှင် မှာထားသည့်အစာများအားလုံးကို မစားပါနှင့်။ အချို့ကို ထုတ်ပိုးသိမ်းဆည်းထားပါ။ တစ်ပတ်အတွင်း စားချင်သည့်အချိန်တိုင်း သရေစာအဖြစ် စားသုံးနိုင်ပါသည်။ ကျန်နေသေးသော ကြက်ဆင် သို့မဟုတ် ကြက်သားများကို ထောင်းစား၊ သုတ်စားနိုင်ပါသည်။ အကယ်​၍ သရေစာများအစား အစာအစားထိုး အစားအစာများ သို့မဟုတ် ဖြည့်စွက်စာများကို စားသုံးရန် သင်စဉ်းစားနေသလား? သင်လုပ်နိုင်သည်၊ သို့သော်သင်၏ နေ့စဉ်ကယ်လိုရီများနှင့် ပရိုတင်းလိုအပ်ချက်များကို ဂရုတစိုက်လေ့လာစားသုံးပါ။ အာဟာရပညာရှင် သို့မဟုတ် သင်၏ဆေးဘက်ဆိုင်ရာပညာရှင်၏ ထောက်ခံချက်ဖြင့်အာဟာရကွာဟချက်များကို ဖြည့်တင်းရန်အတွက် ပြည့်စုံမျှတသော ဗီတာမင်များ၊ သတ္တုဓာတ်များ၊ ပရိုတင်းများနှင့် ထူးခြားသော HMB (ကြွက်သားများကိုထိန်းသိမ်းရန်အတွက် Hydroxyl methyl butyrate) ကြွယ်ဝသောEnsure တစ်ခွက်ကို သောက်သုံးနိုင်ပါသည်။

 

References:

  1. https://ensure.com/blog/nutrition-matters/snacks-meals
  2. https://ensure.ca/en/stay-active/what-to-eat-before-a-workout
  3. https://ensure.com/blog/nutrition-matters/magic-of-mini-meals-dont-be-trapped-by-three-meals-a-day
  4. https://www.commonwisecare.com/healthy-snacks-for-old-people/