ကြွက်သားတွေ ပြန်လည်နိုးကြားလာစေရန် ကြွက်သားဂရုစိုက်မှု

လေ့ကျင့်ခန်းလုပ်ခြင်း၊ ကျန်းမာရေးထိန်းသိမ်းစောင့်ရှောက်ခြင်း တို့သည် နောက်ကျသည်ဟူ ၍ မရှိပါ။ လေ့ကျင့်ခန်းလုပ်ခြင်းသည် စိတ်ကျန်းမာစေခြင်း၊ စိတ်ဖိစီးမှု လျော့နည်းစေခြင်းတို့အပြင် ရှိခဲ့ဖူးသော လက်ကျန်ရောဂါ လက္ခဏာတို့ကိုပင်ထိန်းသိမ်းနိုင်ပါသည်။ လုံလောက်တဲ့ ညွှန်ကြားမှုတွေပေးနိုင်တဲ့ ဆရာဝန်၊ သမားတော်များနှင့် ဆွေးနွေးတိုင်ပင်ခြင်းဖြင့် ဖြစ်လာနိုင်သောရောဂါများကို ကြိုတင်ကာကွယ်နိုင်ပြီး အကျိုးဆက်များကိုပါ လျှော့ချနိုင်ပါသည်။

 

ပထမရက် (၃၀)

နာတာရှည်ရောဂါမှ နာလန်ထူရန် အချိန်များစွာကြာမြင့်တတ်ပါသည်။ ရောဂါ၏အဆိုးဆုံးအခြေအနေကို ကျော်ဖြတ်ပြီး ပထမရက် (၃၀) ပြန်လည်ထူထောင်ရေးသည် အရေးကြီးဆုံးဖြစ်သည်။ ထိုအချိန်အတွင်း ကျန်းမားရေးဆရာဝန်၏အကြံပြုချက်များဖြစ်သော ဆေးဝါး၊ ရုပ်ပိုင်းဆိုင်ရာကုထုံး၊ အစားအသောက်နှင့် ပုံမှန်ဆေးစစ်ခြင်းတို့ကို နားထောင်ပါ။ အဘယ်ကြောင့်ဆိုသော် ညွှန်ကြားချက်များမလိုက်နာပါက နောက်ဆက်တွဲရောဂါများဖြစ်သော ဆီးချို၊ အဆစ်ရောင်ရောဂါ၊ အဆုတ်ရောဂါများသည် လေ့ကျင့်ခန်းပြုလုပ်ခြင်းကို သက်ရောက်မှုများ ရှိစေနိုင်ခြင်းကြောင့် ဖြစ်ပါသည်။

 

အစားသောက်ဖြင့် သင်၏ကြွက်သားကို ဂရုစိုက်ခြင်း

လှုပ်ရှားမှုများလုပ်ပြီး စွမ်းအင်များမကုန်ဆုံးခင် အစားအသောက်ကို လုံလောက်စွာ စားသုံးဖို့ လိုအပ်ပါတယ်။ ကြွက်သားများအတွက် ပရိုတင်းဓာတ်သည် အကောင်းဆုံးဖြစ်သည်။ ကိုယ်တွင်းအင်္ဂါအစိတ်အပိုင်းများ ကောင်းမွန်စွာအလုပ်လုပ်ရန်အတွက် အမိုင်နိုအက်စစ်ကို လိုအပ်သည်။ အမိုင်နိုအက်စစ်သည် ဒဏ်ရာအကျက်မြန်စေခြင်း၊ ကိုယ်ခံအားကောင်းစေခြင်းအပြင် နာလန်ထူခြင်းကို ပိုမိုမြန်ဆန်စေသည်။ ကံကောင်းစွားဖြင့် လိုအပ်သောအမိုင်နိုအက်စစ်များကို ပရိုတင်းဓာတ်များသောအစားအသောက်များမှ လွယ်ကူစွာ ရရှိနိုင်ပါသည်။ တစ်နေ့လျှင် ပရိုတင်းဓာတ် (၉၀) ဂရမ် အပြင် ဥအမျိုးမျိုး၊ နို့၊ အသား၊ ငါး တို့ကိုစားသုံးပေးသင့်သည်။ သတ်သတ်လွတ်သမားများအနေဖြင့် တိုဖူး၊ ပဲနှင့် အခွံမာသီးတို့မှ ပရိုတင်းဓာတ်ကို ရရှိနိုင်သည်။ ကိုယ်ခံအားကောင်းခြင်းမှတစ်ဆင့် နာလန်ထူခြင်းကို ပိုမိုမြန်ဆန်စေရန်အတွက် အသီးနှင့်အရွက်စိမ်းများတွင် တွေ့ရသော ဗီတာမင် စီ ကို (၉၀) မီလီဂရမ်ထိစားသုံးနိုင်ကြောင်းအကြံပြုပါသည်။

စိတ်ဓာတ်ခွန်အားရှာခြင်း

ဖျားနာခြင်းသည် ခန္ဓာကိုယ်ကို အားနည်းစေရုံသာမက စိတ်ဖိစီးမှု များစေသောကြောင့် ပြန်လည်ထူထောင်ခြင်ကို နှေးကွေးစေသည်။ ခန္ဓာကိုယ်ပြန်လည်ကောင်းမွန်စေရန် အဓိကသော့ချက်မှာ စိတ်ဓာတ်ခွန်အားဖြစ်သည်။

ရေတိုပန်းတိုင်

ကြွက်သားပြန်လည်ထူထောင်ခြင်းအတွက် လိုအပ်သောလေ့ကျင့်ခန်းများအပြင် အပြည့်အဝကောင်းမွန်စေရန် မည်မျှကြာမည်ကို ဂရုစိုက်ပါ။ တီဗီကြည့်ခြင်း၊ စာဖတ်ခြင်း၊ သူငယ်ချင်းများ ဖြင့်စကားပြောခြင်း စသည့် ပျော်စရာလှုပ်ရှားမှုများကို ရှာပါ။

ဆုပေးခြင်းဆိုင်ရာစိတ်ဓာတ်ခွန်အားများ

နာကျဥ်ခြင်းမရှိဘဲ လေ့ကျင့်ခန်းပြီးဆုံးအောင်လုပ်ဆောင်နိုင်ပါက မိမိကိုယ်ကို ဆုချသည့်အနေဖြင့် Spa သွားခြင်း၊ အစားသောက်ကောင်းစွာစားသုံးခြင်းစသည့် မိမိကိုယ်ပျော်ရွှင်စေသည့် လှုပ်ရှားမှုများကို လုပ်ဆောင်ပါ။

အဆင့်(၃)  မှတ်တမ်းထားရှိပါ။

မိမိကိုယ်တိုင် (သို့မဟုတ်) အခြားသူ၏အကူအညီဖြင့် နေ့စဥ် (သို့မဟုတ်) အပတ်စဥ် စားသုံးသောအစားအစာများ လှုပ်ရှားမှုများကို မှတ်တမ်းတင်ထားပါ။ ထိုသို့ပြုလုပ်ခြင်းဖြင့် မိမိ၏နောက်ထပ်ပြုလုပ်မည့် ဆေးကုသမှုများအပြင်၊ ‌အောင်မြင်မှုများကို မိမိကိုယ်တိုင် သတိပြုမိစေရန်ဖြစ်သည်။ မိမိပြုလုပ်ခဲ့သည့်အရာများကို ပြန်လည်ဆန်းစစ် တိုးတတ်အောင်လုပ်နိုင်သောကြောင့်ဖြစ်သည်။

ခွန်အားအတွက် ရပ်တည်ပါ

Sources & References:

https://www.helpguide.org/articles/healthy-living/exercise-and-fitness-as-you-age.htm

https://www.health.harvard.edu/staying-healthy/exercise_after_age_70

https://www.livestrong.com/article/551850-how-to-make-your-body-not-weak-after-youre-sick/