နုပျိုကျန်းမာတဲ့ ကိုယ်ခန္ဓာတစ်ခုရရှိဖို့ နေထိုင်မှုပုံစံ ပြောင်းလဲခြင်း

အချိန်သည်ရှေ့သို့သာသွားသောကြောင့် အိုမင်းခြင်းကိုတိုက်ဖျက်မှုများမှာ တစ်နေ့ထက်တစ်နေ့ ပိုမို ပြင်းထန်လာပါတယ်။ သို့သော်လည်းစနစ်တကျစားသောက်ပြီး လုံလောက်စွာအနားယူခြင်းဖြင့် လည်း လျှင်မြန်စွာအိုမင်းခြင်းကို လျော့ချစေနိုင်ပါတယ်။ အချို့လူများကတော့ ခွဲစိတ်ပြုပြင်ပြီး အိုမင်းမှု လျော့ကျအောင်လုပ်ဆောင်ကြပါတယ်။ ဒီနည်းလမ်းကတော့ အိုမင်းခြင်းကိုဖြေရှင်းခြင်းအတွက် အကောင်းဆုံးနည်းလမ်းတစ်ခုမဟုတ်ပါဘူး။ နေထိုင်မှုပုံစံပြောင်းလဲပြီး ကျန်းမာတဲ့အလေ့အထကို တည်ဆောက်ခြင်းဖြင့် ဘေးထွက်ဆိုးကျိုးမရှိတဲ့ နုပျိုကျန်းမာတဲ့ခန္ဓာကိုယ်တစ်ခုကိုပေးစွမ်းနိုင်မှာပါ။ နေထိုင်မှု ပုံစံ ပြောင်းလဲပြီး ကျန်းမာတဲ့ အလေ့အထများနဲ့ ပိုမိုငယ်ရွယ်နုပျိုသော နေ့ရက်များကို နေထိုင်လိုက်ရအောင်။

၁။ လေ့ကျင့်ခန်းပုံမှန်လုပ်ပြီး ရုပ်ပိုင်းဆိုင်ရာလှုပ်ရှာမှုများတွင်ပါဝင်ခြင်း

လူငယ်တစ်ဦးကျန်းမာရေးလိုက်စားခြင်းဟာ ငယ်ရွယ်မှုအတွက် ဆေးကောင်းတစ်လက်ပါပဲ။ အသက်ကယ်ဆေးလိုပါပဲ။ လေ့ကျင့်ခန်းလုပ်ခြင်း အားကစားတစ်ခုခုကစားခြင်းဖြင့် သင့်ရဲ့သန်မာမှုတွေကိုထိန်းသိမ်းသလို ဦးနှောက်နဲ့ ခန္ဓာကိုယ်ကို အမြဲနိုးကြားနေစေပါတယ်။လေ့ကျင့်ခန်းလုပ်ခြင်းဖြင့် ခန္ဓာကိုယ်နေ့စဉ်လှုပ်ရှားမှုတွေမှာ ပိုမို တက်ကြွစေပါတယ်။

၂။ စိတ်ဖိစီးမှုကို ထိန်းချုပ်ခြင်း

စိတ်ဖိစီးမှုကလည်း အိုမင်းခြင်းကိုဖြစ်စေတဲ့အချက်တွေထဲမှာ ပါဝင်တဲ့အချက်တစ်ချက်ဖြစ်ပါတယ်။ ဒါကြောင့် အားလပ်ချိန်တွေမှာ စိတ်ဖိစီးမှုတွေကို လျော့ချပြီး အနားယူသင့်ပါတယ်။ အသက်ရှူလေ့ကျင့်ခန်းလုပ်ခြင်း၊ တရားထိုင်ခြင်း နဲ့ ကိုယ်လက်လေ့ကျင့်ခန်းလုပ်ခြင်းတွေက စိတ်ဖိစီးမှု လျော့ချဖို့ အကောင်းဆုံးနည်းလမ်းကောင်းတွေပဲဖြစ်ပါတယ်။ ဒီလှုပ်ရှားမှုတွေကို လုပ်ခြင်းဖြင့် ကျန်းမာရေးကို တစ်နှစ်ထက်တစ်နှစ်ကောင်းမွန်လာစေပါတယ်။ လူတစ်ယောက်နေ့စဉ် မည်သို့စတင်သည်ကို ကြည့်ပြီးထိုသူရဲ့ကျန်းမာရေးကို သိနိုင်ပါတယ်။ ယောဂနှင့် လေ့ကျင့်ခန်းတို့က စိတ်ဖိစီးမှုကို လျော့ကျစေပြီး သီချင်းနားထောင်ခြင်းကလည်း စိတ်ဖိစီးမှုကို သက်သာစေရုံသာမက နားနဲ့ စိတ်ဝိညာဉ် ရဲ့ဖိစီးမှုကို သက်သာစေပါတယ်။

၃။ အာဟာရများရယူခြင်း

အရောင်တောက်သောအသီးအရွက်များကို စားသုံးခြင်းနှင့် ဗီတာမင်ကြွယ်ဝစွာပါဝင်သော အစေ့များကို စားသုံးခြင်းက ကျန်းမာသန်စွမ်းမှုကိုထိန်းသိမ်းရာတွင် အလွန်ရေးပါလှပါတယ်။ Antioxidants ဓာတ်များကြွယ်ဝစွာပါဝင်သည့် ကော်ဖီ၊ ချောက်ကလပ်အမဲ၊ စပျစ်သီးတို့ကို စားသုံးပေးခြင်းဖြင့် နှလုံးရောဂါ၊ ကင်ဆာရောဂါနှင့် အိုမင်းခြင်းဖြစ်ပွားမှုကို လျော့ချပေးနိုင်ပါတယ်။ ဗာဒံစေ့ကဲ့သို့သော ဗီတာမင် E ဓာတ်ပါဝင်သော အစားအစာများသည် လည်း အသားရေ၊ ဆံပင်နဲ့ လက်သည်းကျန်းမာရေကိုသာမက အိုမင်းခြင်းကို ကာကွယ်ပေးနိုင်သောကြောင့် အာဟာရအဖြစ် စားသုံးပေးရန်လိုအပ်ပါတယ်။ ကိုယ်နေ့စဉ်စားသောက်နေတဲ့ အစားအစာများ အာဟာရပြည့်ဝစွာ စားသုံးနိုင်ရန် စီမံခန့်ခွဲမှုကလည်း အရေးကြီးတဲ့ အခန်းကနေ ပါဝင်နေပါတယ်။

၄။ အိပ်စက်ခြင်း

အိပ်စက်ခြင်းကလည်း အစွမ်းထက်လှပါတယ်။လူတစ်ဦး အားပြည့်ခြင်းနဲ့ နုပျိုစေခြင်းအတွက် အိပ်စက်ခြင်းကအများကြီးသက်ဆိုင်ပါတယ်။ အိပ်စက်နေချိန်၌ အရေပြားအတွင်း ဆဲလ်အသစ် အဟောင်းများလဲပြီး အရေပြားကို လင်းလက်စေမယ့် ကောင်းမွန်တဲ့ ဇီဝဖြစ်စဉ်ကို လုပ်ဆောင်ပေးပါတယ်။