အသက်ကြီးလာခြင်းနှင့် ကိုယ်ခံအားအပေါ် အကျိုးသက်ရောက်မှု

ကူးစက်ရောဂါများနှင့် ဖျားနာခြင်းတို့ကို ကာကွယ်ပေးသော ကိုယ်ခံအားစနစ်သည် အသက်ကြီးလာသည်နှင့်အမျှ အားနည်းလာသည်။

ဆေးပညာဆိုင်ရာနယ်ပယ်များတွင် အသက်ကြီးလာခြင်းကြောင့် ကိုယ်ခံအားစနစ်ကျဆင်းလာခြင်း နောက်ကွယ်မှ အဖြေကို ရှာနေဆဲဖြစ်သော်လည်း သုတေသီများမှ အသက်ကြီးလာချိန်တွင် ပြောင်းလဲလာသော ကိုယ်ခံအား စနစ်အကြောင်းကို ထောက်ပြခဲ့ကြသည်။ ပြောင်းလဲမှုအချို့ကို အောက်တွင် ဖော်ပြထားသည်။

ကာကွယ်ဆေးများကို လုံလုံလောက်လောက် မြန်မြန်ဆန်ဆန် မတုံ့ပြန်တော့ခြင်း

အသက်ကြီးလာသည်နှင့်အမျှ ရောဂါဖြစ်စေသည့် ဆဲလ်များကို တိုက်ခိုက်ပေးသည့် တီ ဆဲလ်များထုတ်လုပ်ခြင်းလျော့နည်းလာပြီး ထို တီဆဲလ်များသည် ရောဂါဖြစ်စေသည့်ဆဲလ်များကို မှတ်ထားပြီး နောက်အခေါက်များတွင် ပိုပြီးကောင်းမွန်စွာ ကာကွယ်ပေးသည်။ တုပ်ကွေးကာကွယ်ဆေးနှင့် အခြားကာကွယ်ဆေးများသည် သက်ကြီးပိုင်းများအတွက် ထင်ထားသလောက် ကြာကြာ အလုပ်မလုပ်နိုင်ပါ။

ဖျားနာရန် ပိုလွယ်ကူခြင်း

ခန္ဓာကိုယ်သည် ကိုယ်ခံစွမ်းအားဆဲလ်များထုတ်လုပ်ခြင်းလျော့လာပြီး ဆဲလ်အချင်းချင်း ဆက်သွယ်မှုလျော့နည်းလာသည့်အတွက် အန္တရာယ်ရှိ ပိုးမွှားများကို ပြန်လည်တုံ့ပြန် (သို့) တိုက်ခိုက်ရန် ပိုကြာလာပါသည်။ ထို့အပြင် ကိုယ်ခံအားစနစ်၏ ဆဲလ်ချို့ယွင်းချက်များကို သတိပြု တွေ့ရှိနိုင်စွမ်းလည်း လျော့ကျလာသည်။

ဒဏ်ရာ၊ ကူးစက်ရောဂါ နှင့် ဖျားနာခြင်းများမှ ပြန်သက်သာရန် အချိန်ကြာခြင်း

အသက်ကြီးလာပါက ကိုယ်ခံစွမ်းအားဆဲလ်များထုတ်လုပ်ခြင်းလျော့လာပြီး သွေးဖြူဥများ ထုတ်လုပ်ခြင်းပါ လျော့ကျလာပါသည်။ ထိုကြောင့် ဒဏ်ရာ၊ ကူးစက်ရောဂါ နှင့် ဖျားနာခြင်းများမှ ပြန်လည်သက်သာရန် အချိန်ပိုကြာနိုင်ပါသည်။

ကိုယ်ခံအားစနစ်နှင့်ဆိုင်သော ရောဂါများ ဖြစ်ပေါ်လာနိုင်

ကိုယ်ခံအားစနစ်သည် ခန္ဓာကိုယ်မှ ကျန်းမာသော တစ်သျှုးများကို မှားယွင်းစွာ တိုက်ခိုက်မိပြီး ဖျက်ဆီးမိသောအခါ ရောဂါများဖြစ်လာနိုင်ပါသည်။

ကျန်းမာသော ကိုယ်ခံအားစနစ်ဘယ်လိုထိန်းသိမ်းရမလဲ

ကာကွယ်ဆေးများကို မကျော်သွားသင့်ပါ။ ကာကွယ်ဆေးများသည် ထိရောက်မှုလျော့နည်းနိုင်သော်လည်း တုပ်ကွေး၊ နမိုးနီးယား ကာကွယ်ဆေးနှင့် ဆရာဝန်မှ ညွှန်ကြားထားသော ကာကွယ်ဆေးများထိုးခြင်းသည် စိုးရိမ်ရသော ဖျားနာမှုအန္တရာယ်များကို ကာကွယ်နိုင်သည်။

စိတ်ဖိစီးမှုကို စီမံကွပ်ကဲခြင်း။ အချိန်ကြာလာသည်နှင့်အမျှ စိတ်ဖိစီးမှုသည် ကိုယ်ခံစွမ်းအား တုန့်ပြန်မှုကို လျော့ကျစေနိုင်သည်။ တစ်ခုခုကို အချိန်ပြည့် စိုးရိမ်နေခြင်းသည် ခန္ဓာကိုယ်အပေါ် သက်ရောက်မှုများရှိနိုင်သည်။ စိတ်ဖိစီးမှုသည် အခြားပြဿာနာများဖြစ်သော ကောင်းကောင်းအိပ်မပျော်ခြင်းနှင့် အစားကောင်းကောင်း မစားခြင်းတို့ဖြစ်စေပြီး ထိုပြဿနာများသည် ကိုယ်ခံစွမ်းအားစနစ်ကို ထိခိုက်စေနိုင်သည်။

လေ့ကျင့်ခန်းများလုပ်ခြင်း။ လေ့ကျင့်ခန်းသည် ကိုယ်ခံအားစနစ်ကို ပိုကောင်းမွန်စေရန် ကူညီပေးနိုင်သည်။ လေ့ကျင့်ခန်းများလုပ်ခြင်းသည် ဆဲလ်များကို ပို၍လွတ်လပ်စွာ လှုပ်ရှားစေနိုင်သည့်အတွက် ဆဲလ်အလုပ်များကို ပိုမိုကောင်းမွန်စွာ လုပ်‌ဆောင်နိုင်စေ ရန် ကူညီသည်ဟု သုတေသနများအရ လည်းအကြံပြုထားပါသည်။

အာဟာရမျှတသော အစားအစာများစားခြင်း။ ပရိုတင်း၊ ဗီတာမင် နှင့် သတ္တုဓာတ်များကြွယ်ဝသော အစားအစာများဖြစ်သည့် အဆီနည်းသောအသားများ၊ လတ်ဆတ်သော အသီးအရွက်များ နှင့် အသီးအနှံများစားခြင်းသည် ကိုယ်ံခံအားစနစ် ကို အကောင်းဆုံးအလုပ်လုပ်စေသည်။ ကျန်းမာသော အစားအစာများ စားခြင်းသည် ကျန်းမာသော ကိုယ်အလေးချိန်ကိုလည်း ဖြစ်စေနိုင်သည်။

ပိုလွယ်ကူစေရန်အတွက် Ensure ကို ပရိုတင်းနှင့် ခွန်အားများ ပိုမိုရရှိစေဖို့ အသုံးပြုနိုင်ပါသည်။ HMB (beta-hydroxy-beta-methylbutyrate) ၊ ပရိုတင်းနှင့် အတူတူပူးပေါင်းပြီး ကြွက်သားဆုံးရှုံးခြင်းကို ကာကွယ်ပေးနိုင်သည်။

References:

  1.  https://www.webmd.com/healthy-aging/guide/seniors-boost-immunity#1
  2. https://medlineplus.gov/ency/article/004008.htm#:~:text=As%20you%20grow%20older%2C%20your,your%20risk%20of%20getting%20sick.
  3. https://ensure.ca/en/get-healthy/maintaining-muscle-mass