အသက်အရွယ်ကြီးသူများတွင်အဖြစ်များသောအာဟာရချို့တဲ့ခြင်း။
 |
အသက်အရွယ်ကြီးသူများတွင်အဖြစ်များသောအာဟာရချို့တဲ့ခြင်း။
ကျွန်ုပ်တို့အသက်ကြီးလာသည်နှင့်အမျှ လုံလောက်သောအာဟာရရယူခြင်းသည် အရေးကြီးသော စိန်ခေါ်မှုတစ်ခုဖြစ်လာသည်။ အသက်ကြီးလာသောအခါခန္ဓာကိုယ်၏ ကယ်လိုရီလိုအပ်ချက် စတင်ကျဆင်းလာသောကြောင့်အစားအစာကိုများများစားပေးရန်နှင့်စားသုံးလိုက်သောကယ်လိုရီတိုင်းသည်အာဟာရနှင့်ပြည့်နေရပါမည်။ ကံမကောင်းစွာဖြင့် အသက်ကြီးလာသူအားလုံးတို့တွင် အစားအသောက် အရသာပျောက်ဆုံးခြင်း၊ အစား စားချင်စိတ်ကျဆင်းခြင်း၊ ဝါးဖို့ခက်ခဲခြင်းနှင့် အစာအိမ်ပြဿနာများကြောင့် လိုအပ်သော အာဟာရ မရရှိနိုင်ကြပါဘူး။ ၎င်းတို့၏ ခန္ဓာကိုယ်သည် အာဟာရဓာတ်များကို စုပ်ယူရာတွင် ထိရောက်မှု အားနည်းလာသည်နှင့်အမျှ သက်ကြီးရွယ်အိုများသည် ၎င်းတို့ရရှိသင့်သည့်ဗီတာမင်နှင့် သတ္တုဓာတ်များပြည့်မှီအောင်မရရှိနိုင်တော့ပါ။
သက်ကြီးရွယ်အိုများအတွက် လိုအပ်သည့်ဗီတာမင်၊ သတ္တုဓာတ်အရင်းမြစ်များနှင့် အာဟာများကို အောက်တွင် ဖော်ပြထားပါသည်။
ကယ်လ်ဆီယမ်
အာဟာရအတွက် ကယ်လ်ဆီယမ် ပါဝင်သောအခန်းကဏ္ဍတွင် အရေးကြီးဆုံးလုပ်ဆောင်ချက်မှာ ကြွက်သားတည်ဆောက်ခြင်းနှင့် ခိုင်ခံ့သောအရိုးများကို ထိန်းသိမ်းခြင်းပင်ဖြစ်ပါသည်။ လေ့လာမှုများအရ သက်ကြီးရွယ်အိုများစားသုံသည့်အစားအစာများတွင် ကယ်လ်ဆီယမ်ပါဝင်မှုလျော့နည်းခြင်းကြောင့် အရိုးပွရောဂါ၊ အရိုးကျိုးခြင်းနှင့် အရိုးနှင့်သက်ဆိုင်သောရောဂါများဖြစ်ပွားစေပါသည်။ ကမ္ဘာ့ကျန်းမာရေး အဖွဲ့ကြီး၏အဆိုအရ အမျိုးသမီးများသည် တစ်သတ်တာ ကာလတွင် အရိုးပွရောဂါကြောင့် အရိုးကျိုးခြင်းထိခိုက်နိုင်မှုသည် ၄၀% ပိုမိုဖြစ်စေနိုင်ပြီး အမျိုးသားများတွင် ၁၃% ခန့်ဖြစ်ပွားစေနိုင်ပါသည်။ သွေးဆုံးပြီးနောက်အမျိုးသမီးများတွင် အရိုးဆုံးရှုံးမှုအန္တရာယ်ပိုမိုမြင့်မားတတ်ပါတယ်။ ကိုက်လန်နှင့် ပန်းပွင့်စိမ်းကဲ့သို့သော ကယ်လ်ဆီယမ်ဓာတ်များသော အာဟာရအရင်အမြစ်များအပြင် ကယ်လ်ဆီယမ်ပါဝင်သည့် ဖြည့်စွက်အရည်များမှတဆင့် လုံလောက်စွာ စာသုံပေးခြင်းဖြင့် ကာကွယ်နိုင်ပါသည်။
ဗီတာမင် D
ဗီတာမင် ဒီသည် ကိုယ်ခန္ဓာအားကယ်လ်ဆီယမ် စုပ်ယူရာတွင်အကူညီပေးခြင်း၊ အရိုးသိပ်သည်းဆကို ထိန်းသိမ်းပေးခြင်းနှင့် အရိုးပွရောဂါမဖြစ်အောင်ကာကွယ်ပေးခြင်းစသည့်တို့ကိုလုပ်ဆောင်ပေးပါသည်။ သက်ကြီးရွယ်အိုများတွင် ဗီတာမင် ဒီချို့တဲ့ခြင်း၊ ကျဆင်းခြင်းတို့ကြောင့် ချော်လဲနိုင်ခြင်းအန္တရာယ်နှင့် ဆက်စပ်နေပါသည်။ စီရီရယ်၊နို့၊အချို့သောဒိန်ချဉ်များနှင့် ဖျော်ရည်များတွင် ဗီတာမင်ဒီ ပါဝင်ပါသည်။ အစားအသောက်အနည်းငယ်တွင်သာ သဘာဝအတိုင်းဗီတာမင် ဒီ ပါဝင်သည်။ သို့သော် ဗီတာမင် ဒီ ကို ဆော်လမွန်၊ တူနာနှင့် ဥများတွင် လည်းတွေ့ရပါသည်။
ဗီတာမင် B12
Vitamin B12 သည်သွေးနီဥများ၊ DNA ကိုဖန်တီးရန်နှင့် ကျန်းမာသောအာရုံကြောလုပ်ငန်းများကို ထိန်းသိမ်းရန်မရှိမဖြစ်လိုအပ်ပါသည်။ သက်ကြီးရွယ်အိုများသည် လူငယ်များကဲ့သို့ Vitamin B12 ကိုအစားအစာများမှကောင်းစွာ စုပ်မယူနိုင်ပါ။ ၎င်းတို့သည်လုံလောက်အောင်စားသုံးသော်လည်း Vitamin B12 ကိုမပြည့်ဝနိုင်ပါ။ Vitamin B12 သည် ငါး၊အသား၊ကြက်၊ ဥ၊ နို့နှင့် နို့ထွက် ပစ္စည်းများတွင် ကြွယ်ဝစွာ ပါဝင်ပါသည်။ Vitamin B12 ဖြည့်စွက်ဆေးသောက်သုံးရန် သင်၊မသင့်ကို ဆရာဝန်နှင့် ဆွေးနွေးသင့်ပါသည်။
ပရိုတင်း
အသက် (၅၀) ကျော်အရွယ်ရှိ လူကြီး ၄၀ ရာခိုင်နှုန်းသည် စားသုံးသင့်သည့် ပရိုတင်းအပြည့်အဝကို အစားသောက်တစ်မျိုးထဲမှမရရှိနိုင်ပါ။ အစားအသောက်တစ်ခုစီ၏ ပြည့်ဝသောပရိုတင်းပမာဏသည်
၂၅ မှ ၃၀ ဂရမ်လိုအပ်ပါသည်။ ၎င်းသည် ပရိုတင်းတည်ဆောက်ရန်နှင့် ကြွက်သားပရိုတင်းများ ပေါင်းစပ်ရာတွင် အရေးကြီးသော အကူအညီပေးပါသည်။ ကြွက်သားဆုံးရှုံးမှုနှင့် Sarcopenia ကိုကာကွယ်ရန်မဟာဗျူဟာတစ်ခုဖြစ်သည့် ပရိုတင်းစားသုံးခြင်းသည် သက်ကြီးရွယ်အိုများအတွက် များစွာအကျိုးရှိစေပါသည်။ ကြွက်သားဆုံးရှုံးမှုဖြစ်စဉ်ဟာ အသက်(၄၀)နောက်ပိုင်းမှစ၍ အလိုအလျောက်ဖြစ်ပေါ်လာလေ့ရှိပါတယ်။ မျှတသောအစားအစာစားသုံးပေးခြင်းနှင့် ပုံမှန်လေ့ကျင့်ခန်းလုပ်ခြင်းဖြင့် အာဟာရချို့တဲ့မှုကို တားဆီးနိုင်ပါသည်။ Ensure တွင် သက်ကြီးရွယ်အိုများအတွက် အရေးကြီးသောအာဟာများကို ရောနှောထားသည့် အရည်အသွေးမြင့် အာဟာရများဖြစ်သော ပရိုတင်း၊ ဗီတာမင် ဘီ၊ ဗီတာမင် ဒီ၊ ကယ်လ်ဆီယမ် နှင့် ကြွက်သားများကို ထိန်းသိမ်းရန် ပရိုတင်းနှင့်တွဲဖက်၍ အလုပ်လုပ်သော HMB သို့မဟုတ် beta-hydroxyl-beta-methyl butyrate စသည့်ကြွက်သားများကို ထောက်အကူပြုပေးသည့် အာဟာရများများစွာပါဝင်ပါသည်။
References: