သက်ကြီးပိုင်းများ ခြေထောက်ကြွက်သား ဘယ်လိုတည်ဆောက်မလဲ

ကျွန်ုပ်တို့အသက်ကြီးလာသည်နှင့်အမျှ ကျွန်ုပ်တို့၏ အာရုံများဖြစ်သည့် အမြင်၊ အကြားနှင့် ကြွက်သားခွန်အား အပိုင်းတို့တွင် ထိခိုက်လာရပါတယ်။ ကြွက်သားအားနည်းမှုဟာ သင့်ခြေထောက်အား ရုတ်တရက် ရပ်သွားစေပြီး ချော်လဲစေနိုင်ပါတယ်။ လျော့နည်းလာသော တုံံ့ပြန်မှုကြောင့် သင်ချော်လဲသည့်အခါ မထိမခိုက်စေရန် ကာကွယ်နိုင်မည်လည်း မဟုတ်ချေ။ သို့သော်လည်း စိတ်ဓာတ်ခွန်အားမြှင့်တင်ပေးခြင်း၊ အစားအသောက် ပြောင်းလဲခြင်းနှင့် ခံနိုင်ရည်လေ့ကျင့်ခန်း ပြုလုပ်ခြင်းတို့က အထူးသဖြင့် သင့်ခြေထောက်အတွက် ခွန်အားနှင့် ဟန်ချက်ကို ပြန်လည်ရရှိစေမှာ ဖြစ်ပါတယ်။

ပရိုတင်းအား မှန်ကန်စွာ ရွေးချယ်ခြင်း

အသက်ကြီးလာတာနှင့်အမျှ လွတ်လပ်စွာ နေထိုင်စေနိုင်သည့် အဓိက သော့ချက်မှာ ကြွက်သားထုဆုံးရှုံးခြင်းကို ကာကွယ်ခြင်းဖြစ်ပါတယ်။ သင့်လျော်မှန်ကန်သော အာဟာရဓာတ်က ကြွက်သားဆုံးရှုံးခြင်းအတွက် အဓိကအပိုင်းမှ ပါဝင်ပါတယ်။ ကြွက်သားတည်ဆောက်ခြင်းအတွက် အဓိကမိုက်ခရိုအာဟာရဓာတ်တစ်ခုမှာ ပရိုတင်းဓာတ်ဖြစ်ပါတယ်။ ပရိုတင်းဓာတ်ကို ပေးစွမ်းနိုင်သော အစားအသောက်များစွာ ရှိပြီး သင်ရွေးချယ်စားသုံးသော အုပ်စုက အရေးပါပါတယ်။ ပရိုတင်းက အောက်ပါတို့ ဖြစ်နေစေဖို့ အမြဲဂရုပြုပါ။

အစားအသောက်ပရိုတင်း : အမိုင်နိုအက်ဆစ် မျိုးစုံနှင့်ဖွဲ့စည်းထားပြီး ၎င်းတို့ အမျိုး ၂၀ခန့်ရှိပါတယ်။ အရေးကြီး လိုအပ်သည်များအား အစားအသောက်မှ စားသုံးသင့်ပြီး အရေးကြီးမလိုအပ်သည်များမှာ ခန္ဓာကိုယ်မှ အမိုင်နိုအက်ဆစ်နှင့် ပေါင်းစပ်ပြုလုပ်သော အရာများဖြစ်ပါတယ်။ အခြေအနေအရ လိုအပ်သည်များအား သင်နာမကျန်းဖြစ်သည့်အခါ အနာကျက်စေရန် လိုအပ်သည့်အခါမှသာ စားသုံးသင့်ပါတယ်။

မှန်ကန်သော ပမာဏ : ကျွန်ုပ်တို့သည် နေ့စဉ်ကယ်လိုရီ ၁၀ ရာခိုင်နှုန်းမှ ၃၀ ရာခိုင်နှုန်းအထိကို ပရိုတင်းမှ ရသင့်ပါတယ်။ ၎င်းသည် ခန္ဓာကိုယ် အလေးချိန် ၁ကီလိုအတွက် ပရိုတင်း ၁.၀ မှ ၁.၃ ဂရမ် အချိုးကျ ဖြစ်ပါတယ်။

ကောင်းမွန်သော ရင်းမြစ် : သင်ကြိုက်နှစ်သက်သောပရိုတင်းရွေးချယ်မှုကို စာရင်းပြုစုပြီးသင့်အစားအစာများတွင် ထည့်သွင်းစားသုံးပါ။ အရည်အသွေးကောင်းမွန်သော ပရိုတင်းအား မြန်မာ့အစေ့အဆံ အများစု၊ အဆီနည်းအသား၊ ရေချိုငါး နှင့် ရှောက်နွယ်ဝင်အသီးတို့တွင် တွေ့နိုင်သော်လည်း whey ဒိန်ရည်သည် အကောင်းဆုံး အရည်အသွေးကို ပေးစွမ်းနိုင်ပါတယ်။ ကြွက်သားကျန်းမာရေးအတွက်အထောက်အကူပြုသည့် ခန္ဓာကိုယ်မှ မရှိမဖြစ်လိုအပ်သော အမိုင်နိုအက်ဆစ်ဖြစ်သည့် Leucine တွင် လည်း ပရိုတင်းကြွယ်ဝသည်။ သင် ပရိုတင်းဖျော်ရည်များ သောက်သုံးလိုပါက အများစုမှာ သကြားနှင့် ဆိုဒီယမ်ပါဝင်သဖြင့် သက်ကြီးပိုင်းများအတွက် သီးသန့်ထုတ်လုပ်ထားသည်များကိုသာ ရွေးချယ်သင့်ပါတယ်။

ပရိုတင်းက အရေးကြီးသော်လည်း အခြားကြွက်သားခွန်အား တည်ဆောက်ရေးအတွက် အရေးကြီး အာဟာရဓာတ်များလည်း ရရှိရန် လိုအပ်ပါတယ်။ သင့်အနေနှင့် အစားအသောက်များမှ ၎င်းအာဟာရဓာတ်များ ရရှိရန် ခက်ခဲပါက Ensure Gold မှ ကူညီပေးနိုင်ပါတယ်။ Ensure Gold မှာ ဗီတာမင် နှင့် သတ္တုဓာတ် ၂၈ မျိုး၊ HMB ((leucine ကနေရရှိလာတဲ့ အမိုင်နိုအက်ဆစ်ရဲ့ metabolite တစ်ခုဖြစ်ပြီး ကြွက်သားကျန်းမာရေးများအတွက် ပရိုတိန်း တည်ဆောက်ပေးပါတယ်) တို့ ဖြင့်ဖော်စပ်ထားပြီး သက်ကြီးပိုင်းများ ကြွက်သားကျန်းမာရေးအတွက် အထောက်အကူပြုသော ပြည့်စုံမျှတအာဟာရ ကို ဖြည့်စွက်ပေးနိုင်ပါတယ်။

သက်ကြီးပိုင်းများ ပြုလုပ်သင့်သည့် လေ့ကျင့်ခန်းများ

ကောင်းမွန်ကျန်းမာသော အစားအသောက်အား အားကစားနှင့်ပေါင်းစပ်ပြီး အထူးသဖြင့် ခြေထောက်အတွက် ဟန်ချက်နှင့် ခွန်အားကို တိုးတက်စေပါတယ်။ အောက်ပါ ခြေထောက်လေ့ကျင့်ခန်း ၅ မျိုးက သက်ကြီးပိုင်းများ မိမိတို့အိမ်တွင် သက်သောင့်သက်သာ ပြုလုပ်၍ ရသည့်အရာများဖြစ်ပါတယ်။

၁။ ခြေတစ်ပေါင်ကျိုး : ခုံအနောက်ဖက်ကို အဆင်ပြေတဲ့ လက်နှင့် မြဲနေစေရန် ကိုင်ထားပါ။ ကိုင်ထားသော လက်နှင့် ဆန့်ကျင်ဖက် ခြေထောက်မှ ဒူးတစ်ဖက်ကို ကွေးပြီး သင့်ရင်ဘတ်ဆီသို့ မတင်ပါ။ ပေါင်နှင့် ကြမ်းပြင် မျဉ်းပြိုင်အနေအထား ဖြစ်သည်အထိ မတင်ပါ။ သင်နိုင်သလောက် ထိုအနေအထားအား ထိန်းထားပြီးနောက် အခြားခြေနှင့် လက်ကို ပြောင်းပါ။ ပန်းတိုင် : ခုံမပါဘဲ လုပ်နိုင်လာသည်အထိ တိုးတက်လာမှာ ဖြစ်ပါတယ်။

၂။ ခြေနောက်ဖက် မြှောက်ခြင်း : ထိုင်ခုံအား လက်နှစ်ဖက်နှင့် ကိုင်ထားပါ။ ကိုယ်ကို ရှေ့သို့ကိုင်းရင်း အဆင်ပြေတဲ့ ခြေထောက်အား နောက်ဖက်သို့ နိုင်သလောက် ဆန့်မြှောက်ပါ။ ခြေထောက်အား မြှောက်ရင်း ဆန့်နိုင်သလောက် ဆန့်ဆန့်ထားပါ။ ခြေထောက်အား တဖြည်းဖြည်း ပြန်ချရင်း ခြေတစ်ဖက်လျှင် ၁၅ ကြိမ်ခန့် ပြုလုပ်ပါ။ ပန်းတိုင် : အနောက်ဖက် အောက်ပိုင်းတစ်ဝိုက် သန်မာစေပါတယ်။

၃။ ဘေးဖက်ခြေမြှောက်ခြင်း : ထိုင်ခုံအား လက်နှစ်ဖက်နှင့် ကိုင်ထားပါ။ ကျောကိုဆန့်၊ ခြေဆန့်၍ ရှေ့သို့ကြည့်ရင်း အဆင်ပြေသော ခြေထောက်ကို ဘေးဖက်သို့ နိုင်သလောက် မြှောက်ပါ။ တဖြည်းဖြည်းချင်း ပြန်ချကာ ခြေတစ်ဖက်လျှင် ၁၅ ကြိမ်ခန့် ပြုလုပ်ပါ။ ပန်းတိုင် : တင်နှင့် ကျောအောက်ဖက်အား သန်မာစေပါတယ်။

၄။ ခြေဖျားထောက်ခြင်း : ထိုင်ခုံအား ဟန်ချက်ထိန်းရန် ကိုင်ရင်း နံရံတစ်ခုမှ ကျော်၍ ကြည့်သလို ခြေဖျားထောက်ပါ။ ခန္ဓာကိုယ်ကို ဆန့်ဆန့်ထားရင်း ဖြည်းဖြည်းချင်း ပြန်ချပါ။ အကြိမ် ၂၀ ခန့်ပြုလုပ်ပါ။

ပန်းတိုင် : ဟန်ချက်ကို ကောင်းမွန်စေသည်။

၅။ တစ်နေရာတည်းမှ ချီတက်ခြင်း : မတ်မတ်ရပ်၊ အဆင်ပြေသည့် ခြေထောက်မှ ဒူးကို နိုင်သလောက်မြှောက်ရင်း လက်ကို လွှဲပါ။ ခြေကိုပြန်ချရင်း အခြားတစ်ဖက်ကိုလည်း ယခုအတိုင်း ပြုလုပ်ပါ။ အကြိမ် ၂၀ ခန့်ပြုလုပ်ပါ။

References:

1. https://www.lifeline.ca/en/resources/14-exercises-for-seniors-to-improve-strength-and-balance/
2. https://ensureindia.in/ensure/helps-increase-muscle-mass
3. https://homecareassistance.com/blog/protein-tips-for-senior-diet
4. https://abbottfamily.com.sg/brands/ensure/ensure-gold-hmb-liquid