ကြွက်သားကျန်းမာရေးကို အလေးထားသင့်တဲ့ အချက် ၆ ချက်

ခန္ဓာကိုယ် – “သုံးရင်သုံး၊ မသုံးရင် ရှုံး” ဆိုတာမျိုးက စိတ်ခွန်အားပေးတဲ့ စာသားသက်သက်တစ်ခုသာ မဟုတ်ပါဘူး။ ကြွက်သားကျန်းမာရေးနဲ့ပတ်သက်လာရင်တော့ ကိုယ်ကြိုးစားလေ ကိုယ့်ရဲ့ ဘဝနေထိုင်မှုကပိုမိုကောင်းမွန်လေပါပဲ။ ရက်အနည်းငယ် လှုပ်ရှားမှုနည်းသွားတာနဲ့အမျှ ကြွက်သားတွေကို ပြန်လည်အသုံးပြုပါက ပိုမိုခက်ခဲတာကို တွေ့ရမှာပါ။ ဒီစာမှာတော့ လူကြီးတွေအတွက် ကြွက်သားသန်မာခြင်းက ဘယ်လိုမျိုး အထောက်အကူပြုလဲဆိုတာကို ကြည့်လိုက်ကြရအောင်။

 အရိုးအဆစ်တွေကိုကောင်းမွန်သောပုံစံဖြင့်ထိန်းသိမ်းပေးတယ်–  Osteoarthritis လို့ခေါ်တဲ့ အသက်အရွယ်ရလာတာနဲ့အမျှအရိုးနုလေးတွေ ကြေပျက်လာတာကြောင့် ခြေဖျားလက်ဖျားလေးတွေမှာ တင်းပြီးနာလာတာမျိုးတွေဖြစ်တတ်ပါတယ်။ အသက်အရွယ်ရလာခြင်း၊ နာကျင်မှုနဲ့ ယောင်ရမ်းခြင်းများကြောင့် အရိုးရဲ့သိပ်သည်းဆ တဖြည်းဖြည်းလျော့ကျလာတာဟာ ခန္ဓာကိုယ်ရဲ့ အခြားအစိတ်အပိုင်းတွေကို စတင်သက်ရောက်လာစေပါတယ်အဲ့ဒီနေရာတွေကို ကိုယ်လက်လေ့ကျင့်ခန်းနဲ့ ခုခံအားမြင့်တက်အောင် ပြုလုပ်ခြင်းက စောစောစီးစီးယိုယွင်းလာတာကို ကာကွယ်နိုင်ပါတယ်။ ကြွက်သားတွေသန်မာအောင် လေ့ကျင့်ထားခြင်းဖြင့် အရိုးအဆစ်တွေကိုလည်း ပိုမိုသန်မာစေပါလိမ့်မယ်။

မျှတမှုကို ထိန်းသိမ်းထားပါ – သင့်ရဲ့ အရိုးအဆစ်တွေဟာ သင့်မှာရှိတဲ့ ကြွက်သားတွေနဲ့ သူတို့ရဲ့လုပ်ဆောင်ချက်တွေကို ကောင်းကောင်းမွန်မွန် ထိန်းသိမ်းထားနိုင်တယ်ဆိုရင် ဒါဟာ သင့်အနေအထားကို ထိန်းသိမ်းထားနိုင်တာပါပဲ။ ဟန်ချက်မညီမျှခြင်းဟာ အသက်ကြီးလာတာနှင့်အမျှ ဖြစ်ပေါ်တတ်တဲ့ အားနည်းချက်များထဲမှ တစ်ခုအပါအ၀င်ဖြစ်ပါတယ်။  ကျန်းမာပြီး သန်မာတဲ့ ကြွက်သားတွေနဲ့ဆိုရင် သင့်ရဲ့ ခန္ဓာကိုယ်ဟာ ပြောင်းလဲမှုတွေကို ချက်ချင်းဆိုသလို ပြန်လည်အဆင်ပြေအောင်ပြုလုပ်ပေးနိုင်ပြီး ဟန်ချက်အနေအထားကို ပုံမှန် ပြန်ဖြစ်စေမှာပါ။

လဲမကျအောင် သတိထားပါ – လူကြီးအများစု အနာတရဖြစ်တာဟာ လဲကျတာကြောင့်ပဲ ဖြစ်ပါတယ်။ ချော်လဲကျတာဟာ ကြွက်သားတွေရဲ့ အရည်အသွေးလျော့ကျပြီး ဟန်ချက်မညီမျှခြင်းကြောင့်ပါ။ နေရာတစ်နေရာမှာ အနေအထားပျက်သွားတာနဲ့အမျှ ခန္ဓာကိုယ်ရဲ့ ကျန်နေရာတွေမှာပါ သက်ရောက်မှုများနိုင်ပါတယ်။ ဒါကြောင့် မျှတတဲ့ ခန္ဓာကိုယ်အနေအထားထိန်းသိမ်းထားဖို့ အရေးကြီးတာပါ။ ခြေထောက်လေ့ကျင့်ခန်း၊ ကိုယ်ခံအားလေ့ကျင့်ခန်းနဲ့  အတက်လေ့ကျင့်ခန်းများဟာ ခြေထောက်ကြွက်သားတွေကို အထောက်အပံ့ပေးတာကြောင့် ချော်လဲကျခြင်းမှ ကာကွယ်ပေးနိုင်ပါတယ်။

သက်လုံကောင်းအောင်နေပါ – အသက်ကြီးလာတာနှင့်အမျှ ငယ်ရွယ်စဉ်ကလိုမျိုး အမြဲတမ်းကြံခိုင်နေဖို့ မျှော်လင့်ကြပါတယ်။ သက်လုံကျလာတာနှင့်အတူ အလွယ်တကူ  နေထိုင်မကောင်းဖြစ်ခြင်းနှင့် အိပ်ယာရုတ်တရတ်ထလိုက်ဖို့ ခက်ခဲတာမျိုးတွေ ကြုံလာရနိုင်ပါတယ်။ သက်လုံအားကို မြှင့်တင်နိုင်ဖို့အတွက် ပထမဆုံးနားလည်ထားရမှာတော့ သင်ဟာ တစ်သက်လုံး လေ့ကျင့်ခန်းအပြင်းအထန်လုပ်လာတဲ့သူတစ်ယောက် နဲ့ မနှိုင်းယှဥ်ဖို့ပါပဲ။ လူကြီးတွေအတွက် ခံနိုင်ရည်စွမ်းမြင့်တက်စေတဲ့ လေ့ကျင့်ခန်းတွေဟာ သက်လုံကောင်းဖို့ အတွက်သာမက ခန္ဓာကိုယ်တစ်ခုလုံး ကျန်းမာရေးအတွက်ပါ အကျိုးပြုစေနိုင်ပါတယ်။

ဇီဝဖြစ်ပျက်မှုနဲ့ ကိုယ်ခံအားကို မြှင့်တင်ပါ – အသက်အရွယ်တစ်ခုရောက်လာတဲ့အခါ ဆုံးရှုံးသွားတဲ့ ကြွက်သားတွေနေရာမှာ အဆီများအစားထိုးဝင်ရောက်လာနိုင်ပါတယ်။ အဆီပိုတွေဟာ သင့်ရဲ့ ခန္ဓာကိုယ်ကို ပိုမိုပင်ပန်းနွယ်နယ်နေစေပါတယ်။ ကျန်းမာတဲ့ ကြွက်သားတွေဟာ  မလိုအပ်တဲ့ အဆီပိုတွေထက် စွမ်းအင်နှစ်ဆ ထုတ်လွှတ်ပေးနိုင်ပါတယ်။ သင့်ရဲ့ ကြွက်သားသိပ်သည်းဆဟာ သင့်ခန္ဓာကိုယ်ပုံမှန်လည်ပတ်နေစေဖို့လိုအပ်တဲ့ စွမ်းအင်ဖြစ်တဲ့ ဇီဝဖြစ်ပျက်မှုနှုန်းနဲ့ တိုက်ရိုက်သက်ဆိုင်ပါတယ်။ ပိုမိုကျန်းမာတဲ့ ကြွက်သားတွေဟာ ကိုယ်ခံအားကောင်းမွန်စေတဲ့ အမိုင်နိုအက်ဆစ် (Amino Acid) ထုတ်လွှတ်မှုကို အထောက်အကူပြုပါတယ်။ သင့်ခန္ဓာကိုယ်က ကျန်းမာလေ သင့်မှာရှိတဲ့ ကြွက်သားတွေက ယောင်ရမ်းမှုတွေကို လျော့ကျစေတဲ့ မော်လီကျူးတွေကို ထုတ်လွှတ်ပေးနိုင်တာကြောင့် မကြာခဏဖျားနာခြင်းမှ ကာကွယ်ပေးနိုင်ပါတယ်။

ကိုယ့်အားကိုယ်ကိုးနိုင်အောင်လုပ်ပါ – ပိုအားရှိပြီး သက်လုံကောင်း ခြင်း ဟာ အရွယ်ရောက်ပြီး လူတစ်ဦးလို ကိုယ့်အားကိုယ်ကိုးနိုင်စေပါတယ်။ ကိုယ်ခန္ဓာကြံ့ခိုင်ရုံသာမက စိတ်ကျန်းမာရေးအတွက်ပါ အထောက်အကူလည်းပြုနိုင်ပါတယ်။ အခြားလူတစ်ဦးကို မှီခိုစရာမလိုတော့သည့်အတွက် ကိုယ်ဝါသနာပါရာတွေကို ပိုမိုအချိန်ပေးလုပ်ကိုင်နိုင်တာမို့ ပိုမိုပျော်ရွှင်တဲ့ ဘဝကို ရရှိနိုင်မှာပဲ ဖြစ်ပါတယ်။ အရိုးအဆစ်တွေနဲ့ ကြွက်သားတွေ ကျန်းမာနေမှသာ မြေးငယ်လေးတွေနဲ့ စိန်ပြေးလိုက်တမ်းကစားနိုင်တာ၊ အပေါင်းအပါတွေနဲ့ ထိုက်ချိအတူ ကစားနိုင်တာ၊ ကိုယ့်ဈေးခြင်းကိုယ်သယ်နိုင်တာ၊ လှေကားကို ချောချောမွေ့မွေ့တက်နိုင်တာ စတာတွေကို ပြုလုပ်နိုင်မှာပဲ ဖြစ်ပါတယ်။

ပရိုတင်းဓာတ်နဲ့ အခြားကြွက်သားကျန်းမာရေးအတွက် လိုအပ်တဲ့ အာဟာရတွေ ပြည့်စုံစွာစားသောက်ပြီး ကျန်းမာစွာနေထိုင်စားသောက်တာဟာ ဘဝရဲ့ ပြည့်စုံခြင်းတစ်မျိုးပါပဲ။ နေရောင်အောက်မှာ နေ့စဉ်လမ်းလျှောက်ပေးခြင်းဟာ ဗီတာမင် ဒီ ကြွယ်ဝစွာရရှိစေပြီး၊ ငါးများများစားခြင်း၊ အနီရောင်ရှိသော အသားများ၊ ပဲများ၊ omega-3 ပါဝင်တဲ့ အစေ့အဆန်များ၊ ကယ်လဆီယမ်ကြွယ်ဝသော အစားအသောက်များစားပေးခြင်းဟာ အရိုးကို ကျန်းမာစေပါတယ်။ လူတစ်ယောက်စီရဲ့ ကျန်းမာစွာစားသောက်မှုပုံစံဟာ ကွဲပြားပြီး အစားအသောက်တစ်ခုတည်းနဲ့တင် မလုံလောက်တတ်ပါဘူး။

လိုအပ်နေတဲ့ အာဟာရတွေကို ဖြည့်စွက်ဖို့အတွက် အာဟာရဖြည့်စွက်စာတွေရဲ့ အကူအညီကိုယူနိုင်ပါတယ်။ Ensure Gold  ဟာ ကြွက်သားခွန်အားကို ထိန်းသိမ်းရန်အတွက် အစားအစာများတွင် မဖြည့်ဆည်းနိုင်သော ဗီတာမင်နဲ့ သတ္တုဓာတ် ၂၈ မျိုး၊ HMB (leucine ကနေရရှိလာတဲ့ အမိုင်နိုအက်ဆစ်ရဲ့ metabolite တစ်ခုဖြစ်ပြီး ကြွက်သားကျန်းမာရေးအတွက် ပရိုတင်းအပြည့်အဝ)တို့ဖြင့် ဖော်စပ်ထားပါသည်။  

 References: 

1. https://abbottnutrition.com.my/adult-nutrition/flex-your-strength
2. https://www.aircycle.co.nz/older-adults-exercise-important/
3. https://blog.careacademy.com/healthy-aging-caring-for-bones-muscles-and-joints
4. https://livehealthy.chron.com/running-vs-lifting-fat-loss-6531.html

 Additional Readings:

1. https://abbottnutrition.com.my/products/ensure-gold
2. https://www.smh.com.au/lifestyle/health-and-wellness/how-muscle-helps-to-build-a-healthy-immune-system-20200706-p559ec.html