အားအင်ပိုမို ပြည့်ဖြိုးစေဖို့ ပြောင်းလဲသင့်တဲ့ နေထိုင်မှုပုံစံ

အရွယ်ရောက်တာနဲ့အမျှ အားအင်ဖြည့်တင်းရာမှာလည်း ခက်ခဲလာပါတယ်။ သင့်အနေနဲ့ ခွန်အားတိုးမြှင့်စေဖို့ ကော်ဖီနောက်တစ်ခွက် ဒါမှမဟုတ် ခဏတဖြုတ်ထပ်မံမှေးစက်ဖို့ လိုအပ် လာတာကို သင်ကိုယ်တိုင်တွေ့ရှိနိုင်လာမယ်။ အချိန်တော်တော်ကြာကြာ ကျန်းမာခဲ့ ရင်တောင်မှ သင့်အားအင်ကို စိတ်မကျေမနပ်ဖြစ်နေနိုင်သေးတယ်

သို့သော် အရွယ်ရောက်လာခြင်းက သင့်ကိုနှေးကွေးလေးလံလာစေတာ မဟုတ်ပါ။ သင့်အနေနဲ့သင်ဘာပဲလုပ်လုပ် အကောင်းဆုံးရဖို့ ပြောင်းလဲမှုအနည်းငယ်သာလုပ်ရမယ်လို့ ဆိုလိုတာပဲဖြစ်တယ်။ ယခု မိမိတို့ အင်အားပိုမို ပြည့်ဖြိုးစေဖို့ ပြောင်းလဲသင့်တဲ့နေထိုင်မှုစနစ် ၃ မျိုးကို လေ့လာကြရအောင်။

တရားထိုင်ခြင်း

မြန်မာ့ယဉ်ကျေးမှုမှာ မိသားစုမှ လူကြီးတစ်ဦးဦးဟာ ဘာသာရေးအရ တရားထိုင်ကြတာကို သင်တွေ့နိုင်ပါတယ်။ သင့်အနေနနဲ့ တစ်ရက်ကို ၅ ကြိမ် တရားမထိုင်နိုင်ရင်တောင်၊ ခဏတာ တရားထိုင်ခြင်းက အလုပ်လုပ်နိုင်စွမ်းနဲ့ အင်အားကို မြှင့်တင်ပေးတာကို တွေ့ရပါတယ်။ တရားထိုင်ခြင်းဟာ သင့်စိတ်ကို ပြန်လည်ပြုပြင်ဖို့နဲ့အာရုံစိုက်ဖို့အချိန်ပေးနိုင်ပါတယ်။ သက်သောင့်သက်သာအနေအထားတွင် ထိုင်ပြီး နှာခေါင်းမှ လေကိုရှူသွင်းကာ ပါးစပ်မှထုတ်ရင်း ခန္ဓာကိုယ်ကို လျှော့ထားပါ။ တရားထိုင်တဲ့ အဖွဲ့တွေမှာ ပါဝင်ခြင်းကလည်း သင်လိုအပ်တဲ့ အပိုင်းအတွက် အကူအညီကို ပေးနိုင်ပါတယ်။

သင်နဲ့ သင့်ကြွက်သားများအား လှုပ်လှုပ်ရှားရှားရှိစေခြင်း

မလှုပ်မရှားခြင်းက ယေဘုယျအားဖြင့် လူကြီးများအတွက် အင်အားလျော့နည်းစေတဲ့အချက်တစ်ချက်ဖြစ်ပါတယ်။  လှုပ်ရှားမှုရှိတဲ့ ခန္ဓာကိုယ်ဟာ ရူပဗေဒသဘောအရ ဆက်လက်လှုပ်ရှားနေပြီး လူကြီးတစ်ဦးအနေနဲ့ အနည်းဆုံး မိနစ် ၁၅၀ လောက် အနီးအနား ပတ်ဝန်းကျင်မှာ လမ်းလျှောက်ခြင်းဖြစ်ဖြစ်၊ ခြေလျင်လျှောက်ခြင်းဖြစ်ဖြစ် စတဲ့လေ့ကျင့်ခန်းများလုပ်တဲ့အခါ ဟန်ချက်၊ ပျော့ပြောင်းမှုနဲ့ အင်အားကို တိုးတက်စေတာကြောင့်ဖြစ်ပါတယ်။ ကြွက်သားဆုံးရှုံးမှုဟာ တားဆီးလို့မရပေမယ့်လည်း ဘယ်လောက်မြန်မြန်ဆုံးရှုံးလဲ ဆိုတာက‌တော့သင့်ရဲ့ထိန်းချုပ်မှုအတွင်းမှာရှိပါတယ်။  သန်မာတဲ့ကြွက်သားဆိုတာဟာ အမှီအခိုကင်းစွာလုပ်ဆောင်နိုင်မှုနဲ့စွမ်းအင်ကိုဆိုလိုတာကြောင့် လေ့ကျင့်ခန်းလုပ်သည့် မိနစ် ၁၅၀ အတွင်းမှာ ခံနိုင်ရည်ပိုမိုကောင်းမွန်စေမယ့် လေ့ကျင့်ခန်း အချို့ကို ရယူပါ။

အာဟာရ အရေးပါခြင်း

သင့်အင်အားပမာဏကို တိုးတက်စေဖို့သင့်ကိုအများဆုံး ပေးကြမယ့် အကြံမှာ အစားအသောက်ကို ပြောင်းလဲခြင်းပဲ ဖြစ်ပါတယ်။ ဘယ်လိုအစားအသောက်က သင့်အင်အားပမာဏကို အကျိုးသက်ရောက်စေတာကို မသေချာပါက သင်စားသောက်ပြီးတဲ့အခါ ဖြစ်လာတဲ့ ခံစားချက်ကို မှတ်သားထားပါ။ အများအားဖြင့် လွန်ကဲတဲ့ ကာဘိုဟိုက်ဒရိတ်၊ သကြားနဲ့ များစွာပြုပြင်ထားတဲ့ အစားအသောက်များဟာ အာဟာရဓာတ်နည်းပါးကာ ခဏတာ တွန်းအားကိုသာပေးပြီး သင့်အားမူးနောက်နောက် ဖြစ်စေပါမယ်။ သင့်အစားအသောက်မှ ၄င်းတို့ကို ဖြတ်တောက်ပစ်ဖို့ မလိုပေမယ့်လည်း ပမာဏကိုတော့ သတ်မှတ်ရပါမယ်။ အဆီနည်းတဲ့ ပရိုတင်းဓာတ် ကြွယ်ဝတဲ့အစားအသောက်များ (အရွယ်ရောက်သူတစ်ဦးဟာ ပျမ်းမျှ ပရိုတင်း ၅၅ ဂရမ်လိုအပ်ပြီး လူကြီးတစ်ဦးဟာ အဲ့ထက်နှစ်ဆ လိုအပ်ပါတယ်) အသီး၊ အရွက်နှင့် နို့တို့ကို အစားအသောက်အတွင်း ထည့်သွင်းကာ စွမ်းအင်နှင့် ခွန်အားကို မြှင့်တင်နိုင်ပါတယ်။

ကောင်းမွန်တဲ့ ဘယ်လိုပြောင်းလဲမှုမျိုးမဆို၊ ဘယ်လိုသေးငယ်ပါစေ အကောင်းဘက်သို့သာ ဦးတည်စေပါတယ်။ သင်ဟာ ကျန်းမာရေးအကောင်းဆုံးအခြေအနေကို ဘယ်လိုရောက်နေပါစေ အသစ်အဆန်းကို စမ်းသပ်ဖို့ စိတ်ပါနေပါစေ ကျန်းမာရေး ပိုကောင်းပါက အင်အားပိုရှိပြီး ထိုသို့ပိုရှိခြင်းဖြင့် ပိုမိုလွတ်လပ်စေပါတယ်။ အမြဲတမ်း သင့်လုပ်ရိုးလုပ်စဉ် သို့မဟုတ် အစားအသောက်ကို အကြီးစားပြောင်းလဲခြင်းအတွက် ပိုမိုအကျိုးရှိစေဖို့နဲ့ ထိခိုက်မှုနည်းပါးစေဖို့ ကျန်းမာရေးပါရဂူနဲ့ တိုင်ပင်ပါ။ Ensure ကဲ့သို့သော ဖြည့်စွက်စာမှအာဟာရအထောက်အပံ့ကို ရယူခြင်းကလည်း သင့်အတွက် မထိခိုက်စေနိုင်ပါ။ ရွေးချယ်စရာတွေတော်တော်များများရှိပေမယ့်လည်း အားလုံးကတော့ လူကြီးများအတွက် စွမ်းအင်ကိုထောက်ပံ့ပေးတဲ့ ဗီတာမင်နဲ့ သတ္တုဓာတ်များ ကြွယ်ဝစွာပါဝင်ပြီး သက်ရှည်ကျန်းမာစေပါတယ်။

References:

1.  https://ensureindia.in/healthier-you/live-strong/strength/looking-for-energy
2. https://commhealthcare.com/13-ways-seniors-can-boost-energy-levels/
3. https://abbottnutrition.com.my/products/ensure-gold

Additional Readings:

1. https://medium.com/running-with-data/youre-too-young-to-stop-running-dublin-edition-32946a3cf20c