အသက် (၄၀) နောက်ပိုင်းခန္ဓာကိုယ်တည်ဆောက်မှု : အသုံးချမလား (သို့) အဆုံးရှုံးခံမလား

အသက် (၄၀) ရောက်တာနဲ့ ကြီးမားတဲ့တာဝန်တွေနဲ့အတူ အဓိကကျတဲ့ပန်းတိုင်တွေကိုလည်း ချမှတ်ရပါတယ်။ အသက်အရွယ်ကြီးလာသည်နှင့်အမျှ အပြောင်းအလဲများနှင့် ဘဝအတွက် အရေးကြီးတဲ့ဆုံးဖြတ်ချက်များ ပြုလုပ်ရခြင်းကြောင့် အစားသေချာစားရန်နှင့် ကျန်းမာရေး ပုံမှန်လုပ်ရန် လိုအပ်ပါသည်။ ဒါ့အပြင် အသက် (၄၀) အရွယ် သန်စွမ်းမှုနှင့် အသက် (၂၀) အရွယ် သန်စွမ်းမှုလည်း ကွာခြားလာပါသည်။ ထို့ကြောင့် အသက် (၅၀) (၆၀) အရွယ်မှာ ကြွက်သားသန်မာဖို့အတွက်  အသက် (၄၀) အရွယ်ကတည်းက သင့်တော်သောအစားအစာနှင့် လေ့ကျင့်ခန်းများလုပ်ဆောင်ရန်လိုအပ်ပါသည်။

အသက် (၄၀) နောက်ပိုင်းကြွက်သားများတည်ဆောက်ခြင်း : အကျိုးကျေးဇူးများ

ကျန်းမာသည့် ကိုယ်အလေးချိန်ထိန်းသိမ်းခြင်းနှင့် ခန္ဓာကိုယ်အချိုးအစား ထိန်းသိမ်းခြင်းသည် အသက်အရွယ်ကြီးလာသည်နှင့်အမျှ စိန်ခေါ်မှု တစ်ခုလည်း ဖြစ်လာပါသည်။ အိုမင်းခြင်းကိုလည်း ရပ်တန့်၍ မရနိုင်သော်လည်း လေ့ကျင့်ခန်းလုပ်ခြင်းက အိုမင်းခြင်းကို နှေးစေသည့် အဓိကသော့ချက်ဖြစ်ပါသည်။ ရိုးရှင်းပြီးလွယ်ကူတဲ့ လေ့ကျင့်ခန်းလုပ်နည်းတွေကို အောက်တွင်လမ်းညွှန်ပေးထားပါသည်။

၁။ ပထမဦးဆုံးက အစားအသောက်ပါ။

အသက်ကြီးလာသည်နှင့်အမျှ ခန္ဓာကိုယ် ဇီဝဖြစ်စဉ်များလည်း နှေးကွေးလာပါသည်။ ဒါကြောင့် အစားအသောက်ကို ရွေးချယ်စားသုံးခြင်းသည် အလွန်အရေးကြီးပါသည်။ နောက်ထပ်အရေးကြီးသည့် အလေ့အကျင့်ကတော့ လေ့ကျင့်ခန်းမလုပ်မီနှင့် လေ့ကျင့်ခန်းလုပ်ပြီးတိုင်း ကာဘိုဟိုက်ဒရိတ်ကို စစ်ဆေးခြင်းဖြစ်ပါသည်။ ကယ်လိုရီကိုလျော့ချဖို့မလိုအပ်ပေမယ့် ကျန်းမာရေးကောင်းစေမယ့် အစားအစာများကို လုံလုံလောက်လောက် စားသုံးပေးရန် အရေးကြီးပါသည်။

ကိုလက်စထရော ပါသည့် အစာများနှင့် အသင့်စား အစားအစာများ စားသုံးမှုလျှော့ချခြင်းသည် ကျန်းမာရေးအတွက် ကောင်းမွန်တဲ့ အလေ့အကျင့်တစ်ခုဖြစ်ပါသည်။ အစားအစာ စားသောက်ရာ၌ အသီးအရွက်၊ အခွံမာသီးများနှင့် ပဲများကို စားသုံးပေးရန်လိုအပ်ပါသည်။

၂။ လွယ်ကူစွာလေ့ကျင့်ခန်းပြုလုပ်ခြင်း

လေ့ကျင့်ခန်းပြုလုပ်ရန် လူငယ်များကဲ့သို့ GYM သွားပြီးအလေးမခြင်းများပြုလုပ်ရန် မလိုအပ်တော့ပါ။ သင့်အိမ် မှာပဲ သက်တောင့် သက်သာဖြစ်‌စေမည့် လေ့ကျင့်ခန်းများကို လုပ်ခြင်းက အကောင်းဆုံး ဖြစ်ပါသည်။ အလေးမပြီးလေ့ကျင့်ခန်းလုပ်ခြင်းတစ်ခုထဲကပဲ ကြွက်သားများကို တက်စေခြင်း မဟုတ်ပါ။ ပေါ့ပါးပြီးကိုယ့်အတွက် သက်တောင့်သက်သာဖြစ်စေမည့် အလေးပေါ့များကိုမပြီး ထပ်ခါထပ်ခါလေ့ကျင့်ခြင်းကလည်း ကြွက်သားကြီးထွားမှုကိုဖြစ်စေပါသည်။ လေ့ကျင့်ခန်းကို အပြင်းအထန်လုပ်ပြီး ခန္ဓာကိုယ် ဒဏ်ရာရလို့ရပ်တန့်လိုက်ရခြင်းထက် ပုံမှန်လေ့ကျင့်ခန်း လုပ်ခြင်းက သင့်အတွက် ပိုမိုကောင်းမွန်ပါသည်။

၃။အကြောလျှော့ရန် မမေ့ပါနှင့်။

အကြောလျှော့ လေ့ကျင့်ခန်းကို အများအားဖြင့်မေ့တတ်ကြပါသည်။ သွေးပူလေ့ကျင့်ခန်းနှင့် အကြောလျှော့ခြင်းသည် မတူညီပါ။ လေ့ကျင့်ခန်းမလုပ်မီ ကြွက်သားများနိုးထလာရန် အရင်လိုအပ်ပြီး လေ့ကျင့်ခန်းလုပ်ပြီးသည့်အခါတွင်လည်း အကြောလျှော့ရန် လိုအပ်ပါသည်။ အသက်(၄၀) ကျော်အရွယ်များအတွက် ကွေးနိုင်ဆန့်နိုင်ခြင်းနှင့် ဒဏ်ရာဖြစ်ခြင်းမှ ကာကွယ်ရန် အကြောလျှော့ခြင်းကလည်း အလွန်အ‌ရေးကြီးပါသည်။ အကြောလျှော့ခြင်းက လေ့ကျင့်ခန်းတစ်ခုလုပ်ပြီးတိုင်း ကြွက်သားများကို လျော့ချပေးရာမှာ ကူညီပေးပါသည်။

နိဂုံးချုပ်အနေနှင့် အရွယ်ရောက်လာခြင်းက မိမိကိုယ်ကို ကြည့်ကောင်းအောင်၊ ကျန်းမာအောင် ပြုလုပ်ခြင်းကို ရပ်တန့်ဖို့ ဆင်ခြေမဟုတ်ပါဘူး။ မှန်ကန်တဲ့ အစားအသောက်တွေကိုစားသုံးပြီး လေ့ကျင့်ခန်းသေချာပြုလုပ်ခြင်းဖြင့်လည်း အသက် (၄၀) အရွယ်မှာ ကြွက်သားတည်ဆောက်နိုင်ပါသည်။